Tarixin ən ölümcül zəlzələləri - Bəziləri yüz minlərlə itkiyə səbəb olub
Təbii fəlakətlərin həyatımızda yaratdığı travmatik təsirləri bəzən cümlələrlə izah etmək olmur.
Sfera.az bu yazıda tarixin ən ölümcül zəlzələlərini təqdim edir.
İlk olaraq onu qeyd etmək lazımdır ki, dünyada baş verən zəlzələlərin qeydə alınması 1881-ci ildə Yaponiyada başlayıb və buna görə də sizinlə paylaşacağımız qeydlər indiki sənədlər qədər dəqiq olmaya bilər.
1. Hələb zəlzələsi- Suriya- 1138
11 oktyabr 1138-ci ildə Hələbdə baş verən zəlzələnin dəqiq ölçüləri bugünkü texnologiyaya görə hələ də bilinməsə də, bu zəlzələdə təxminən 300 min insan həlak olub.
2. Şensi zəlzələsi- Çin- 1556
23 yanvar 1556-cı ildə Çinin Şensi və ya Hua kimi tanınan bölgəsində baş verən zəlzələ 830 min insanın ölümünə səbəb olub. Bu zəlzələnin təxminən 8 bal gücündə olduğu və bugünkü məlumatlara görə bölgə əhalisinin təxminən 60%-nin həyatını itirdiyi düşünülür.
3. Haiyuan zəlzələsi- Çin- 1920
Çinin Haiyuan bölgəsində 7,8 bal gücündə zəlzələ baş verib və təbii fəlakət nəticəsində 200 mindən çox insan həlak olub. Bu fəlakətin acınacaqlısı o idi ki, ölənlərin sayı təkcə zəlzələdən deyil, həm də zəlzələdən sonra baş verən sürüşmələrdən olub.
4. Aşqabad zəlzələsi- Türkmənistan- 1948
1948-ci ilin oktyabrında baş verən bu zəlzələ təəssüf ki, ölkənin bir çox bölgələrinə təsir etdi və 110 mindən çox insanın həyatına son qoydu.
5. Tanşan zəlzələsi- Çin- 1976
28 iyul 1976-cı ildə Çinin sənaye şəhəri Tanşanda 7,8 bal gücündə zəlzələ nəticəsində 255 min insan həyatını itirib. 799 min insanın yaralandığı zəlzələ ilə əlaqədar bölgə əhalisi təkid edib ki, ölənlərin sayı mətbuatda əks olunan məlumatlardan qat-qat çoxdur.
6. Sumatra Zəlzələsi- İndoneziya- 2004
26 dekabr 2004-cü ildə İndoneziyada baş verən zəlzələ 9,1 bal gücündə idi və Hind okeanının bir hissəsini ciddi şəkildə təsir edən başqa bir fəlakətə; sunamiyə səbəb oldu. Bu fəlakətdə 120 mini indoneziyalı da daxil olmaqla 226 min insan həyatını itirib.
7. Haiti zəlzələsi - Cənubi Amerika- 2010
2010-cu il yanvarın 12-də baş verən zəlzələdə 316 min insan həlak olub. Desək ki, ölkənin bu hissəsi hələ də yaralarını sağaltmayıb, yaxşı olardı. Həqiqətən, ölkə hələ də özünə gələ bilməyib.
8. Tohoku Zəlzələsi- Yaponiya- 2011
Yaponiyanın Tohoku bölgəsində 9,1 bal gücündə zəlzələ və sunami 16 minə yaxın insanın həyatına son qoysa da, bu fəlakətdə minlərlə insanın cəsədlərini tapmaq belə mümkün olmayıb.
Aynil
Sfera.az
