İndi İrlandiyanı haqlı olaraq pivənin vətəni adlandırmaq olar, çünki Dublin meşələrində ilk dəfə olaraq pivə hazırlamaq üçün istifadə edilən mayanın əcdadını kəşf ediblər.

“Saccharomyces eubayanus” bu gün pivə hazırlamaq üçün istifadə edilən mayadan yaranan az tanınan maya növüdür.

Qeyd edək ki, onu And dağlarında hələ 2011-ci ildə tapılmışdılar, lakin bu gün tədqiqatçılar ilk dəfə olaraq bu qədim və nadir növü Avropanın vəhşi təbiətində - Dublin meşəsində aşkar etməyə nail olublar.

Sfera.az bildirir ki, yeni araşdırma Dublin Universitet Kollecinin Konvey İnstitutunun alimləri tərəfindən aparılıb. Tədqiqatın aparıcı müəllifi Ceraldine Butlerin dediyinə görə, mütəxəssislər belə nadir nümunəyə düz qapılarının ağzında rast gəlməkdən məmnundurlar.

Batler bildirib ki, o və həmkarları kommersiya tərəfdaşları tapmaq və onun dadının necə olduğunu görmək üçün bu ana maya ilə pivə hazırlamaq niyyətindədirlər. Bəlkə də tədqiqatçılar əvvəllər mümkün olmayan yeni dad xüsusiyyətləri yarada biləcəklər.
 

Qeyd edək ki, bütün pivə növləri istehsalı üçün istifadə olunan maya növündən asılı olaraq yalnız iki növə bölünür - ales və lager. Lagerlər aşağı temperaturda aşağı fermentasiya edən maya ilə, ales isə daha yüksək temperaturda üst fermentasiya edən maya ilə hazırlanır.
 

Orta əsrlərə qədər pivə istehsalı adətən ales hazırlamaq üçün uyğun olan “Saccharomyces cerevisiae” mayasından istifadə edirdi. Bu növ maya bu gün də ale, şərab, viski, çörək və bir çox başqa məhsulların hazırlanmasında istifadə olunur.
 

Lager hazırlanmasında iki mayanın hibridindən olan “Saccharomyces pastorianus” mayasından istifadə edilir, onlardan biri köhnə ale mayası “Saccharomyces eubayanus”dur.
 

Tədqiqatçılar Cənubi və Şimali Amerikada, Çində, Tibetdə və Yeni Zelandiyada dəfələrlə bu ana mayanı tapsalar da, Avropada bunu ilk dəfə tapmağa nail olublar.


Hər iki nümunə Belfild şəhərciyində bir-birindən 17 metr məsafədə tapılıb. Tədqiqat zamanı alimlər “S. Eubayanusun” 30 ° C və yuxarı temperaturda zəif inkişaf etdiyini, lakin - 13 ° C-dən aşağı temperaturda, əksinə, yaxşı inkişaf etdiyini müşahidə ediblər.

Yeri gəlmişkən, ale mayasında isə tam əksinədir.
 

Alimlər hesab edirlər ki, bu növ maya əvvəlcə Pataqoniyada yaranıb və sonra bütün dünyaya yayılıb. Tədqiqatçılar hesab edirlər ki, maya məhz orada digər ərazilərə yayılmazdan əvvəl aşağı temperaturlara uyğunlaşıb.
 

Yeri gəlmişkən, 2017-ci ildə “Heineken” artıq üç müxtəlif “S.Eubayanus” mənbəyi ilə üç pivə istehsal edib. Onlardan biri məhdud tirajla buraxılıb və mayaların toplandığı Pataqoniyadakı fıstıq meşəsinin enlik koordinatına uyğun adlandırılıb. Bu pivə ədviyyatlı notlara malikdir və meyvənin incə işarələri ilə balanslaşdırılmışdır .

Qeyd edək ki, alimlər pivənin bağırsağın fəaliyyətini yaxşılaşdırdığını qeyd ediblər. Onlar pivəni orqanizm üçün gündəlik dozada faydalı hesab edir.

Aysel