Rusiyadakı göldən 50 min ildir donmuş, “zombi virusu” adlı naməlum, qədim infeksiya çıxarılıb.

Sfera.az bildirir ki, Fransa Milli Elmi Tədqiqatlar Mərkəzinin mikrobioloqu Jan-Mari Alempikin rəhbərlik etdiyi bu tədqiqat son günlər müzakirə obyektinə çevrilib. Tədqiqat hələ nəzərdən keçirilməsə də, sözügedən virusun insanlar, heyvanlar və bitkilər üçün fəlakətli nəticələrinin ola biləcəyi irəli sürülüb.

Dərc edilmiş ilkin məlumatlara görə, qlobal istiləşmə şimal yarımkürəsindəki donmuş torpaqlarda buzların əriməsinə səbəb olub. Bu isə, potensial zərərli patogenlər də daxil olmaqla, milyon illik dondurulmuş üzvi maddələrin səthə çıxacağı ilə bağlı narahatlıq yaradıb.

Tədqiqatçıların fikrincə, əmələ gələn üzvi maddələrin bir hissəsi həm də tarixdən əvvəlki dövrlərdən bəri hərəkətsiz vəziyyətdə olan canlanmış hüceyrə mikroblarından və viruslardan ibarətdir.

“Aix-Marsel” universitetinin professoru Cin Maykl Klaver 2014 və 2015-ci illərdəki araşdırmalardan sonra donmuş bölgələrdə canlı viruslarla bağlı əhəmiyyətli inkişaflar olduğunu açıqlayıb. O, tədqiqat qrupunun tapıntılarından sonra “zombi virusları”nın xalq sağlamlığı üçün təhlükə olmadığına dair yanlış təsəvvür yarandığını müdafiə edib. Tədqiqatçılar donmuş bölgələrdən çıxarılan orqanizmləri öyrənmək üçün bəzi "zombi viruslarını" canlandırıblar.

Bu viruslardan birinə “Pandoravirus” adı verilib və onun təxminən 48,500 yaşı olduğu bildirilib. Bu, başqa orqanizmlərə yoluxma potensialı olan yenidən oyanmış bir virus üçün rekord yaşdır. “Pandoravirus” Rusiyanın Yakutiyada Yukeçi Alas gölünün dibində aşkar edilib. Digərləri isə mamontun tükündən tutmuş Sibir canavarının bağırsaqlarına qədər hər şeydə tapılıb. Xatırladaq ki, eyni komanda 2013-cü ildə Sibirdə 30.000 illik virus da aşkar etmişdi.

Günay Rəsulqızı