ABŞ-ın Stenford Universitetinin alimləri saxta təbəssümün insana təsirini araşdırıb.

Sfera.az bildirir ki, araşdırma üçün 19 ölkədən 3878 iştirakçı arasında təcrübə aparılıb.

Tədqiqat iştirakçılarının üçdə birinə ağızlarında qələm tutmaları, üçdə birinə gülümsəyən aktyorların şəkillərində görünən mimikaları təqlid etmələri, üçüncüsünə isə dodaqlarının kənarlarını qulaqlarına doğru hərəkət etdirmələri tapşırılıb. Hər qrupda iştirakçıların yarısı balaların, pişiklərin, çiçəklərin və atəşfəşanlığın gülümsəyən şəkillərinə baxaraq tapşırığı yerinə yetirib. İştirakçıların digər yarısı isə boş ekrana baxıblar. Təcrübənin məqsədini gizlətmək üçün tədqiqatçılar bir neçə başqa kiçik fiziki tapşırıq qarışdırıb və iştirakçılardan sadə riyazi misalları həll etmələri istənilib. Hər tapşırıqdan sonra iştirakçıların nə qədər xoşbəxt hiss etdikləri qiymətləndirilib.

Məlumatların təhlili göstərib ki, gülümsəyən fotoları təqlid edən və ya ağızlarını qulağına qədər çəkən iştirakçıların xoşbəxtliyi nəzərəçarpacaq dərəcədə artıb.

Tədqiqatın aparıcı müəllifi Nicholas Coles verdiyi açıqlamada: “Biz emosiyaları o qədər tez-tez yaşayırıq ki, bu qabiliyyətin nə qədər inanılmaz olduğuna heyran olmağı unuduruq. Amma emosiya olmadan insanlıq üçün nə ağrı, nə həzz, nə xoşbəxtlik, nə faciə, nə də qələbə var”-deyib.

“Gülümsəmək insanları sevindirə bilər, qaşqabaqlar isə qəzəbləndirə bilər; ona görə də duyğuların şüurlu təcrübəsi ən azı qismən bədən hisslərinə əsaslanmalıdır”-deyə alim əlavə edib.

Aynil

Sfera.az