Heç kim bunu gözləmirdi - “Netflix”dən tarixi həmlə
Bu il 1 milyon abunəçisini itirən onlayn serial və film platforması “Netflix” üzvlərinin sayını artırmaq üçün qollarını çırmayıb.
Sfera.az xarici mətbuata istinadən bildirir ki, son zamanlar abunə sayında sürətlə azalma yaşayan “Netflix” tarixi bir addım atıb.
Canlı yayımlanacağını açıqlayan “Netflix” bu tarixi yayım üçün son Oskar Mərasimində qalmaqal yaşamış məşhur komediya ustası Chris Rock ilə müqavilə imzalayıb.
ABŞ-da yerləşən platforma canlı yayım üçün Chris Rock ilə işləyəcəyini açıqlayıb. Platforma Rok şousunun 2023-cü ilin əvvəlində yayımlanacağını bildirib.
Qalmaqallı komediya ustası Chris Rock “Netflix”in ilk canlı yayımını edəcək
“Netflix”in stand-up və komediya üzrə vitse-prezidenti Robbie Praw:
"Kris Rok bizim nəslin ən məşhur və görkəmli komediya sənətçilərindən biridir. Biz bütün dünyanın Kris Rok komediyasını canlı izləyə biləcəyinə görə həyəcanlıyıq. “Netflix” tarixinin bir parçası olun. Bu, unudulmaz bir andır. Krisin məşəli daşımasından şərəf duyuruq”-deyə açıqlama verib.
Platformanın canlı şousundan başqa, onun canlı yayımlanan idman tədbirləri üçün də müsahibələr verdiyi bildirilib. “Netflix”in Avropada tennis matçları üçün təklif etdiyi, Amazon və Apple ın isə idman yayım hüquqlarını almağa başladığı da iddia edilib.
“Amazon Prime” qismən futbola, “Apple” isə keçən mövsüm beysbol liqa oyunlarına ev sahibliyi edib.
Düşən istifadəçilərin sayını artırmaq üçün addımlar atan “Netflix”in Chris Rocku seçməsi diqqət çəkib.
Xatırladaq ki, Rok Oskar Mükafatı Mərasimində qalmaqalla üzləşmiş və bu hadisə həftələrlə dünya mətbuatında işıqlandırılmışdı.
2022-ci il Oskar Mükafatının təqdimetməsi zamanı səhnəyə çıxan məşhur komediya ustası Uill Smitin həyat yoldaşı Jada Pinkett-Smith saçlarını qırxdırması haqqında zarafat edib onu Pinkett-Smith G.I.Ceyni adlandırmışdı.
Will Smith əvvəlcə zarafatyana gülsə də, arvadının reaksiyasını görəndə səhnəyə çıxıb və hamının gözü qarşısında Roka sillə vurub. Hadisədən sonra Smith 10 il müddətinə Akademiyadan uzaqlaşdırılıb və bəzi layihələrini itirmişdi.
“Netflix” tarixində bir ilk olan buraxılış 2023-cü ilin əvvəlində nümayiş etdiriləcək. Smithlə baş verən sillə olayı ilə bağlı mətbuata heç vaxt ətraflı açıqlama verməyən Rock sentyabr ayında şouların birində “İnsanlar məndən bu cəfəngiyyatı ağzıma almağı gözləyirlər. Lakin indi danışmayacağam, mən bunu “Netflix”də bölüşəcəm”-deyib.
Aynil
