Viktoriya dövrünə mədəniyyət dövrü də deyilir. Adından da göründüyü kimi, Kraliça Viktoriyanın hökm sürdüyü bir dövr kimi önə çıxır. Viktoriya dövrü nədir və onun xüsusiyyətləri nələr idi?
 

Sfera.az bu dəfə İngiltərənin ən qəribə tarix səhifələrindən biri - Viktoriya dövrü ilə bağlı bütün təfərrüatları təqdim edir.
 

Avropa bir çox fərqli dövrlər keçmişdir və bu dövrlər əhəmiyyətli izlər buraxmışdır. Onların arasında Viktoriya dövrü seçilir. Britaniyada bu dövr 1800-cü illərin ortalarından 1900-cü illərin əvvəllərinə qədər olan dövrü əhatə edir.

Viktoriya dövrü nədir?
 

Viktoriya dövrü ümumiyyətlə Britaniyada Kraliça Viktoriyanın hökmranlığı ilə bağlıdır. Bu dövr daha çox 1837-1901-ci illər arasıdır. Ancaq bir çox fərqli tarixçiyə görə bu dövr 1832-ci ildə İslahat Hərəkatı ilə başlamışdır. Mədəniyyət dövrü kimi faktiki tarix kimi ifadə edilir. Bu dövrün bir çox fərqli sahədə dəyişikliklərin edildiyi və bir inqilabın ortaya çıxdığı mühüm bir dövr kimi ifadə edildiyini də söyləmək mümkündür. Kraliça Viktoriya həm də Britaniya tarixinin ən böyük və ən sevimli kraliçalarından biridir. Ancaq Viktoriya dövrü öz qəribəlikləri ilə Avropanın ən seçilən dövrü hesab olunur.

Tonlarla nəcis Temza çayına tökülürdü

Bu çay həm də şəhəri içməli su ilə təmin edirdi. Bir çox insan dizenteriya, vəba və tif xəstəliyindən ölürdü. Amma bütün bunlara baxmayaraq, hamı çirkli havanın bu xəstəliklərə səbəb olduğunu düşünürdü.


Küçələr o qədər murdar idi ki, küçə ilə gedən bir qadın paltarının iki kötük, doqquz siqaret, donuz əti piroqu, dörd diş çubuğu, iki saç rezini, yarım ayaqqabı altı, saman, palçıq, kağız qırıntıları və nəcis topladığını bildirmişdi. Viktoriya dövrü beləliklə İngiltərə küçələrində təcəssüm olunurdu. Bütün bunlar Londonda qısa bir gəzinti zamanı yığılmışdı.

 

İsti su ilə duş qəbul etmək xoş qarşılanmırdı
 

Viktoriya dövründə insanlar çox tez-tez vanna qəbul etmirdilər, çünki onlar düşünürdülər ki, tamamilə yaş bədən öz təbii müdafiəsini itirir və bu psixoloji pozğunluqlara və pis şeylərə səbəb ola bilər. Viktoriya dövründə qadınlar süngər və bir damla sirkə ilə soyuq su ilə çimmək məcburiyyətində qalırdılar. İnsanlar düşünürdülər ki, 37,8°C-dən daha isti suda çimmək qadını dəli edə bilər və ya onu həzz almağa təşviq edə bilər.
 

19-cu əsrin əvvəllərində insanlar qadınların doğum anına qədər bədənlərinin dincəlməli olduğuna inanırdılar. Fiziki fəaliyyət qadınlar üçün təhlükəli sayılırdı. Velosiped sürən qadınlar da xoş qarşılanmırdı. Amma bu fikir yalnız nəcib qadınlar üçün keçərli idi. Kasıblar fabrik və mədən kimi bir çox yerdə işləməyə davam edirdilər.

Makiyaj xoş qarşılanmırdı

Kraliça Viktoriya makiyajın çirkin və vulqar olduğunu düşünürdü. Buna görə də, əgər qadın gözəllik məhsullarından istifadə etsəydi, o, asanlıqla özü haqqında mənfi şayiələr yarada bilərdi. Yalnız aktrisalar və fahişələr dodaq boyası və digər kosmetik vasitələrdən sərbəst istifadə edə bilirdilər.

Bu dövr 1850-ci ildən 1870-ci ilə qədər davam etdi. Qatlı parçalar taxta dairənin ətrafında tikilirdi. Onlar nəinki qapıdan keçməkdə çətinlik çəkiblər, hətta şamlara sürtməklə özlərini yandırırdılar. Beləliklə, bu moda çox uzun sürmədi.

Çanta daşımaq ayıbdı

Nəcib bir qadın yalnız əlində sevimli bir it, bir buket çiçək və ya kiçik bir meyvə səbəti ilə gəzməli idi. Yalnız nadir hallarda ona kiçik ölçülü kvadrat qutu daşımağa icazə verilirdi.

Viktoriya dövrünə aid bir jurnal dişlərin təmizlənməsi üçün resept kimi kömür və bal qarışığını tövsiyə edirdi. Uzun sözün qısası, insan sağlamlığına zərər verə biləcək hər şey Viktoriya dövründə edilib.

Ölüləri ilə şəkil çəkdirərdilər


Kədərli ailələr övladlarının ölüləri ilə diri imiş kimi pozalar verir və onu rəngləndirirdilər. Bunun üçün zəngin ailələr tez-tez fotoqraflar tapırdılar. Ancaq varlı olmayan ailələrin rəsmləri də var idi.

Məsələn, 1855-ci ildə çəkilmiş bu dramatik fotoda gül və sevimli oyuncağını əlində tutan balaca oğlanın cəsədi göstərilir.

Aysel