Okkultizm - Orta əsrlər, İntibah və Mədəniyyət dövründə bir çox insanın diqqətini çəkən, mistik və metafizikaya çatmağı hədəfləyən bir təcrübədir. Okkultizm - qısa desək magiya, cadu və cadugərlik haqqında elmdir.
 

Okkultizmə maraq bu gün də azalmayıb və məşhur insanlar da daxil olmaqla bir çoxları hələ də bu elm haqqında araşdırmalar aparır.

Sfera.az sizə adlarını dünya tarixinə həkk etmiş 10 sirli okkultistləri təqdim edir.


1. Liviya Apseti

Liviya Apseti hər şeydən əvvəl tanrı olmaq istəyirdi. Bu səbəbdən tutduğu tutuquşuları qəfəsə bağlayan Apset onlara tək bir cümlə öyrədir: “Apseti Tanrıdır” Sonra tutuquşuları yenidən sərbəst buraxan Apset tutuquşuların öz ali şəxsiyyətlərini bəşəriyyətə yaymasını gözləyirdi. Tutuquşuların səslərini eşidən insanlar həqiqətən də bu sözə inandılar və Apsete sitayiş etməyə, onun üçün qurbanlar verməyə başladılar. Apsetin etdiyi hiyləni vaxtında anlamağa başlayan əhali sonda onu yandırıb öldürüblər.

2. Lidiya Giges

Kral Midas kimmerlər tərəfindən taxtdan salındıqdan sonra intihar etdi və müxtəlif bölgələrdəki liderlər öz krallıqlarını qurdular. Bu liderlərdən biri Lidiyada hökmranlıq edən Kral Giges idi. Haqqında bu günümüzə çatan tarixçi Herodot və Platonun onun haqqında yaratdığı “görünməzlik halqası” hekayəsidir. Məlum olan isə sadəcə budur ki, Giges okkultist idi və möcüzələrini eşitmək üçün Delfi kahininin yanına gedib.


3. Simon Magus

Sehrbaz olan Simon müqəddəs ruhun gücünü almaq istədiyi üçün kilsə ataları tərəfindən xaric edilmiş biri idi. Ömrü boyu sehrlə maraqlanan və bu səbəbdən adının sonunda sehrbaz mənasını verən 'Magus' sözünü götürən Simon birlikdə yaşadığı Helena adlı qadını və tələbəsi Menanderi özünün ölməzliyinə inandırıb.


4. Albertus Maqnus

Kimyagər kimi adını okkultizmə yazan Maqnus sərbəst formada arseni sintez edən və bəzi elementləri tapan ilk ad kimi tanınır. Maqnus bəzi metalların, məsələn, qurğuşunun qızıla çevrilə biləcəyini düşünürdü və elmi mövzuda bir neçə kitab yazıb. Bir fəlsəfə daşının da olduğu iddia edilən Maqnus ölərkən bu daşı Akvinaya buraxıb. Onun soyuq gündə qar əridə bildiyi, dövrünün ən güclü və hörmətli okkultistlərindən biri olduğu deyilir.


5.. Gilles De Rais

Gəncliyində cəngavər olan Gilles De Rais təqaüdə çıxdıqdan sonra bütün var-dövlətini yazdığı bir tamaşanın səhnələşdirilməsinə və okkultizmə sərf edən biri idi. Kilsə keşişi ilə mübahisəsi şiddətlə bitincə, kilsə tərəfindən araşdırılır. De Raisin o günə qədər yüzlərlə uşağı öldürdüyü və 1440-cı il oktyabrın 26-da edam edildiyi bildirilir.

 

6. Nikolas Flamel

Nikolas Flamel üçün kimyagərlik təkcə metalları qızıla çevirmək üçün istifadə edilməli deyil, həm də əbədi həqiqəti öyrənmək və hikmət əldə etmək üçün seçiləcək bir üsul idi. Onun fikrincə bu hikməti təmin edəcək fəlsəfə daşı olub və Flamel bu daşın axtarışına uzun illər sərf edib. Sonra filosof bu daşa çatmağın yolunun kitaba çatmaq olduğunu öyrənir və kitabı alır. Bəzilərinin fikrincə, ömrünün sonrakı illərini metalları qızıla çevirərək ehtiyacı olan insanlara kömək etmək üçün keçirib


7.Dion Fortune

1888-ci ildə İngiltərədə qurulan Qızıl Şəfəq Hermetik Ordeninin üzvü Dion Fortune sonradan quracağı Daxili İşıq Cəmiyyəti ilə ezoterik və gizli təcrübələr tətbiq edən bir qadın idi. Yeniyetməlik illərindən ekstrasens olan Fortune, Sokrat və Merlinin ruhları ilə əlaqə saxladığı və itirilmiş Atlantida qitəsinin görüntülərini əldə etdiyi iddia edilir. Fortune əsəb-sinir xəstəliyinə qədər nüfuzlu bir okkultist kimi yaşayıb.


8. Cerald Qardner

Bütpərəst din Vika və Neopaqanizmin banisi Cerald Qardner müasir dünya sehrbazı adlanır. Nudist, həvəskar antropoloq, folklorşünas, yazıçı və məşhur okkultist Aleister Crowleynin dostu olan Qardner həyatı boyu bir çox ezoterik və okkult ənənələrə əməl edib. Sağlığında media tərəfindən "İngiltərənin baş sehrbazı" adlandırılırdı. O, xüsusilə gənc qadınları və kişiləri hədəf alaraq Vika və Neopaganizmi yaymağa çalışırdı.

9. H.R. Giger

H.R. Giger biomexaniki və sürreal rəsmləri, illüstrasiyaları, heykəlləri və mebel dizaynları ilə tanınan bir rəssam idi. Tarot kartı ardıcıllığını da təsvir edərək, Giger həyatı boyu tanınmış okkultistlər Elifas Levi və Aleister Crowleynin işlərini və təlimlərini davam etdirib.

 

10.Alan Mur

Mövzunun sağ qalan yeganə adı Alan Murdur. Daha sonra Hollivud tərəfindən filmlərə çevrilən 'V for Vendetta', 'Watchmen' və 'From Cəhənnəm' kimi bir çox komiksin müəllifi olan Mur, özünü dindar və ya ruhani insan adlandırmadığını deyir. Əslində isə okkultizmə yad biri deyil. Buna səbəb onun əsərlərində önə çıxan mistik və okkult elementlərdir. Müəllifin tərcümeyi-halını yazan Lance Parkins qeyd edir ki, Mur dövrümüzün nadir okkultist və sehrli liderlərindən biridir.

Aysel