Yaponiyanın Yokohama Milli Universitetinin alimləri laboratoriyada siçanlardan götürülmüş embrion dəri hüceyrələrindən istifadə edərək saç follikullarını inkişaf etdirə biliblər.
 

Sfera.az xəbər verir ki, mütəxəssislər saç follikullarının epiteliya və mezenximal iki hüceyrə tipini sayəsində inkişaf etdirildiyini açıqlayıblar.
 

Epitel hüceyrələri dəridə, damarlarda və daxili orqanlarda olur. Mezenximal hüceyrələr isə sümük iliyində olur və skelet toxumalarının bərpası üçün böyük əhəmiyyətə malikdir. Alimlər təcrübə uğurlu olarsa insanların başlarına yenidən tük yetişdirilə biləcəyini qeyd ediblər.
 

Araşdırma qrupuna rəhbərlik edən Yokohama Milli Universitetinin dosenti Tatsuto Kageyama kök hüceyrə köçürülməsindən qısa müddət sonra siçanda çoxlu sayda tük folikülünün əmələ gəldiyini bildirib. Kageyama bu transplantasiyanın 100% effektiv olduğunu vurğulayıb.
 

Qeyd edək ki, mütəxəssislər saçın 23 gündə 3 millimetrə çatdığını açıqlayıb.

Aynil