Deyirlər dünyada nə qədər dil varsa, o qədər də mədəniyyət var. Dünyada mədəniyyətlər qədər maraqlı qadağalar da var imiş.

Bu ölkələrə getməzdən əvvəl onların qəribə qadağalarından xəbərdar olmalısınız.

Sfera.az sizin üçün yeddi fərqli ölkədən yeddi ən qəribə qadağanı təqdim edir.


1. Fransada üz örtmək qadağandır

Siyahıya Fransada çox qəribə qadağa ilə başlayırıq. 2019-cu ildə 90 milyon turistlə dünyanın ən çox turist cəlb edən ölkəsi olan Fransada üzü örtəcək hər hansı bir aksesuar taxmaq qadağandır. Dəbilqə, maska, kapüşon və daha çox baş örtüyü olan bu qadağa təbii ki, əvvəlcə İslam əleyhinə olduğu üçün tənqid edilib. Lakin buna qarşı heç bir tədbir görülməyib.

Covid-19 pandemiyası bu qadağanı pozan yeganə şey oldu.
 

2. İtaliyada hündürdaban ayaqqabı və ya ev başmağı geymək qadağandır.

Qonaqpərvər xalqı və rəngarəng mədəniyyəti ilə tanınan bu Avropa ölkəsinin bəzi hissələrinə xas çox sərt qaydaları var. Məsələn, İtaliyanın Cinque Terre kimi tanınan beş şəhərində hündürdaban ayaqqabı və ya ev başmağı geyinmək qəti qadağandır. Daha çox dağlıq ərazilərdən ibarət olan bu qəsəbələrdə bu qadağanın yeganə səbəbi təhlükəsizlikdir.

3. Nigeriyada kamuflyaj nümunələrindən istifadə etmək qadağandır.

Bəzi yerlərdə hər hansı kamuflyaj naxışlı paltar geyinmək əsgərlərə qarşı hörmətsizlik sayılır. Nigeriya da bu yerlərdən biridir. Təsadüfən Nigeriyada olsanız, yanınızda kamuflyaj naxışlı bir şey qəti olmasın.

4. Səudiyyə Ərəbistanında hicabsız gəzmək qadağandır

Səudiyyə Ərəbistanında mövcud adət-ənənələrin və qadağaların əksəriyyəti İslam dinindən qaynaqlanır. Məsələn, kişilərə qadın kimi geyinmək və ya hərəkət etmək qəti qadağandır. Bu qadağalardan biri də qadınların dərisini göstərməkdir. Turist olsanız belə bu qaydaya əməl etməlisiniz.


5. Maldiv adalarında çimərlik paltarı geyinmək qadağandır.


Bəli, düz oxudunuz, Maldiv adaları kimi çimərlikləri ilə məşhur olan ölkədə ciddi geyim kodu var. Qadınların ictimai yerlərdə dar paltarlar, xüsusən də bikinilər geyinməsi qadağandır.


6. Uqandada mini ətək geyinmək qadağandır.
 

Uqanda geyimə sərt baxışları olan bir ölkədir. Qadın ətəkləri diz qapaqlarının altında olmalıdır. Koftalar sinəni tamamilə örtməli, paltarlar bədən cizgilərini göstərəcək qədər dar olmamalıdır.

7. Yunanıstanda hündürdaban ayaqqabı geyinmək qadağandır.

Hündürdaban ayaqqabı geyinməyin qadağan olunduğu digər ölkə isə Yunanıstandır. Bu ölkədə isə hündürdaban ayaqqabıların qadağan edilməsinə səbəb insanların təhlükəsizliyindən çox tarixi abidələrin təhlükəsizliyidir. 2009-cu ildə tarixi abidələrin içərisində dikdaban ayaqqabı geyinmək tamamilə qadağan edilib.

Aynil