Şou aləmi birdən-birə məşhurlaşan, varlananların uğur hekayələri ilə doludur.
 

Bu hekayələrin bəzilərinin qəhrəmanları qısa zamanda unudulsa da, karyerasını şüurlu şəkildə idarə edənlər uğurlarını son nəfəslərinə qədər davam etdiriblər.
 

Onlardan biri 96 yaşına beş gün qalmış dünyasını dəyişən Angela Lansburi idi. Uzunömürlü karyerası boyunca bir çox teatr tamaşalarında, bədii filmlərdə və televiziya seriallarında oynasa da, Lansburi keçmiş nəsilə bir televiziya serialı daha yaxşı tanışdır: “Qətl işi” və ya “Onun yazdığı qətl”

Bu serial sayəsində Angela Lansburi bir müddət televiziya dünyasının ən zəngin qadını oldu. Əslində 1984-cü ildə ekran üzü görən bu detektiv serial ilk dövrdə hər seriya üçün 40 min dollar qazanırdı. Sonradan bu rəqəm 200 min dollara yüksəldi. Bunun ən əsas səbəbi Lansburinin zamanla serialın sadəcə aktyoru olaraq qalmamasıdır. O, həm də serialın prodüseri oldu. Əlavə gəlirlə serialın yayımlandığı kanalla da bazarlıq edib.
 

Yeri gəlmişkən xatırladaq ki, “Onun yazdığı qətl” qısa müddət ərzində nəinki tamaşaçılar tərəfindən populyarlaşdı, reklamçılar üçün də üstünlük verilən serial oldu. Anjela Lansberi bu serialla 18 dəfə televiziya dünyasının ən nüfuzlu mükafatlarından biri olan “Emmi”-yə namizəd olub. Amma bütün mükafatlandırma mərasimlərindən əliboş qayıdıb. Buna baxmayaraq, 1984-1996-cı illər arasında yayımlanan bu serial sayəsində Lansburi bir müddət televiziya dünyasının ən zəngin qadını adını qazanmışdı.

Angela Lansburinin başqa bir diqqətəlayiq cəhəti onun zəhməti idi. Son iki ildə səhhətinin pisləşməsi və yaşının çox olması səbəbindən kameralardan uzaqlaşsa da, 90-cı illərin ilk yarısına qədər fəaliyyətini davam etdirib. O, bir çox həmyaşıdları kimi təqaüdə çıxmağı seçməyib. Bunun səbəbini illər öncə verdiyi müsahibədə açıqlamışdı. "İşləyəndə heç vaxt yaşımın fərqində deyiləm. Bu, velosiped sürmək kimi bir şeydir... Sadəcə ayaqlarımı pedala qoyuram və yoldayam".

Lansburi həm də serialda ən uzun müddət rol alan aktyorlardan biri kimi yadda qalıb. Lansburi bu serial üçün 12 il fasiləsiz kamera qarşısına keçib. Bundan əlavə, o, hətta karyerasına fərqli istiqamət verə biləcək çox iddialı rollardan imtina edib. Bunlardan biri Milos Formanın “Ququ yuvasının üstündən uçdu” filmində Luiza Fletçerin canlandırdığı Tibb bacısı Ratched rolu idi. Bu rol Oskar qazanmışdı.
 

Həm rejissor Forman, həm də yoldaşı bu rolu oynamasını istəsələr də, Lansberi bu təklifi rədd edib. Səbəbini isə belə izah edib: "Möhtəşəm roldur, amma oynaya bilmirəm. Bu qadın qorxulu, pis qadındır". Onu tanıyanların dediyinə görə, Lansberi tamaşaçıların onu sevməsini istəyirmiş. Ona görə də o,tibb bacısı Ratched kimi əclaf obrazı oynamaq istəmirdi.


Angela Lansburinin öz peşəsinə sevgi ilə yanaşmasının daha bir nümunəsi; 1991-ci ildə hit olan "Gözəl və Vəhşi" cizgi filmində Lansburi xanım Mister rolunu canlandırır ; Potts obrazını səsləndirirdi. O, bu obraz üçün mahnı da oxumalı idi. Bu səs üçün Nyu Yorka gedərkən təyyarədə bomba çaxnaşması yaşanır. Təyyarə səmada uçarkən bomba təhlükəsi xəbəri gəlir və bütün sərnişinlər, ölüm nəfəsini boyunlarında hiss etdilər. Sonda bu xəbərin əsassız olduğu üzə çıxır və təyyarə təyinat yerinə gəlib.

Təyyarədən endikdən sonra Anjela Lansberi birbaşa studiyaya gəlir və səsləndirdiyi personajın mahnısını oxuyur.

Heç bir təkrarlama lazım gəlmir. Bu kinoda onunla birgə işləyənlərin yaddaşında unudulmaz bir xatirə olaraq qalır.

Angela Lansburi ilk evliliyi 1945-1946-cı illər arasında Riçard Kromvellə olub. Çox qısa çəkən evlilikdən sonra 1949-2003-cü illərdə Peter Şau ilə evlənir.
2003-cü ildə ömrünün sonuna qədər evli olduğu həyat yoldaşından iki övladı: Entoni adlı oğlu və Deyrdre adlı qızı var. Anjela Lansberi 69 yaşlı qızı Deidreni bir müddət Çarlz Mensonun əlindən xilas edərkən də müzakirə mövzusu olmuşdu. O zaman Lansberinin qızı 1960-cı illərdə “Mansonun ardıcılları” adlı təriqətə qoşulmuşdu. Həm də anasının adından istifadə edərək təriqət cəmiyyəti üçün lazım olan alış-verişi etməyə başlayıb.

Həmin vaxt həm Angela Lansburinin həm qızı, həm də oğlu ağır narkotik istifadəçisi idilər. Lansburi və əri Peter Şau iki övladını bu dəhşətli həyatdan xilas etmək üçün Kaliforniyadan İrlandiyaya köçdülər. O zaman Angela Lansburi öz karyerasını belə düşünmədi. Aktrisa və yoldaşının bu qərarı hər iki övladının pis vərdişlərindən qurtulmasına kömək etdi.

Çarlz Manson və onun cəmiyyəti irqlərarası müharibəyə başlamaq üçün 1969-cu ilin avqustunda iki ardıcıl qətldə rejissor Roman Polanskinin hamilə həyat yoldaşı Şeron Teyt də daxil olmaqla yeddi nəfəri öldürür.

FƏXRİ OSKAR ALDI

Karyerası boyunca bir neçə dəfə namizəd olmasına baxmayaraq, Lansburinheç vaxt Oskar qazana bilməyib. Lakin 2013-cü ildə o, peşəkar nailiyyətlərinə görə Fəxri Oskar mükafatına layiq görülüb. 2002-ci ildə BAFTA Həyat Boyu Müvəffəqiyyət Mükafatını aldı. Xatırladaq ki, aktrisa 2014-cü ildə Kraliça Elizabet tərəfindən İngiltərənin ən sayılan titullarından biri olan “Dame” tituluna layiq görülmüşdü.

Aktrisa 96 yaşına 5 gün qalmış öz evində vəfat edib.

Aynil