Əsrlər boyu Osmanlı İmperatorluğuna hökmranlıq edən sultanların dövlətlə yanaşı fərqli hobbiləri, fobiyaları və fiziki xüsusiyyətləri olub. Bütün bunlar bu günün özündə də araşdırmaçı jurnalist və tarixçilərin maraq dairəsindədir.

Sfera.az bu dəfə sizə siyahıda təqdim olunan 9 sultanın ən maraqlı və bilinməyən xüsusiyyətlərini təqdim edir.

1.OSMAN QAZİ

Dövlətin qurucusu Osman Qazi daim çox müxtəlif paltarlar geyinib. Ancaq bunun səbəbi israfçılıq deyil, hansısa bir kasıbı sevindirmək idi. Kimsə onun paltarına diqqətlə baxsaydı, dərhal paltarı çıxarıb ona verərdi.

2. I MURAD

Mövlanəyə böyük sevgisi və hörməti olan I Murad sui-qəsd nəticəsində şəhid olan yeganə sultandır.


3.YILDIRIM BAYƏZİD

Ləqəbini çox sürətli hərəkətindən götürən Yıldırım Bayezid İstanbulu bir neçə dəfə mühasirəyə alan addır. O, su həvəskarı olduğu üçün Bursa Ulu Məscidinin içərisinə çeşmə tikdirib.

4. FATİH SULTAN MEHMED

Türk tarixinin ən önəmli simalarından biri olan Fatih Sultan Mehmedin kartoqrafiyaya xüsusi marağı var idi. Ərəb, fars, yunan, serb və latın dillərini bilirdi. Yeməyi tək yeyirdi, saraya bu adəti ilk gətirən odur. Ağac, tərəvəz və çiçək yetişdirməyi sevirdi. O, vaxtaşırı sarayın bağçasında bağbanlıq edirdi.

5. YAVUZ SULTAN SƏLİM

Fars, ərəb və tatar dillərini bilən Yavuz Sultan Səlim babası Fateh kimi biliyə önəm verib. Sərt xasiyyəti var idi və o vaxt kiməsə qarğış edəndə “inşallah Yavuzun baş vəziri olarsan” deyərdilər. O, 8 illik hakimiyyəti dövründə 7 baş vəzir dəyişib.

6. QANUNİ SULTAN SÜLEYMAN

Çox gözəl geyinirdi, zəngin zərgərlik kolleksiyası var idi. Ərəb, fars, tatar və çağatay dillərini öyrənmişdir.


7. III MURAD

Çox uşaqlı olduğu bilinən III Muradın ən önəmli xüsusiyyəti 100-dən çox övladı olması idi.

III Muradın 100-dən çox övladı olub. Lakin onların əksəriyyəti körpə ikən dünyasını dəyişib. 30 qız və 19 oğlan olmaqla ümumilikdə 49 uşaq sağ qalıb. Məhz bu vəziyyət III Muraddan sonra taxt mübarizəsini alovlandırdı.

III Muradın böyük oğlu III Mehmet Osmanlı tarixinin ən qanlı hadisələrindən birinə imza atmışdı. O, taxta çıxmaq üçün bir gecədə 19 qardaşını öldürdü.

8. IV. MURAD

Ən sərt sultanlardan biri idi. Şahmat və damanı çox yaxşı oynayırdı. Həmçinin, çox yaxşı atlı idi ; hərəkətdə olan atın üzərinə atıla bilirdi.

9. IV. MEHMED

Gündə 20 saatını at üstündə keçirməklə “ovçu” ləqəbini qazanmış sultandır. 7 yaşında taxta oturmuş və 39 il taxtda qalmışdı.

Aynil