Polad Bülbüloğlu Dərbənddə şənliyə qatılıb

Xalq artisti, tanınmış bəstəkar və müğənni Polad Bülbüloğlu Dərbəndin 2000 illiyi münasibətilə təşkil olunan bayram tədbirində Rəsul Həmzətovun sözlərinə bəstələnmiş mahnı ifa edib.

 P.Bülbüloğlu Dağıstan sakinlərini bayram münasibətilə təbrik edib:"Biz sevinirik ki, bu torpağa bayram gəlib. Qədim abidələrə, mədəniyyətə və öz dostlarına böyük diqqətlə yanaşmasına görə hamımız Dağıstanın indiki rəhbərliyinə təşəkkür edirik".Polad Bülbüloğlu qeyd edib ki, Dərbəndin qədim qala divarlarının əhatəsində çıxış etdiyinə görə xoşbəxtdir.

 "Dağıstan torpağında böyük Rəsul Həmzətovu xatırlamamaq mümkün deyil" deyən P.Bülbüloğlu şairin sözlərinə bəstələdiyi "Dolalay" mahnısını, habelə "Qorxma, mən səninləyəm" kinofilmindən mahnı ifa edib.Dərbənd şəhərinin yubileyinə Rusiyanın regionlarından və xarici ölkələrdən 40 nümayəndə heyəti gəlib. Onlar üçün möhtəşəm bayram proqramı hazırlanıb. 

 AzərTac

Aysel