Tarkanın dostu, Sezen Aksunun meneceri idi - Məşhur müğənniyə son vəda
Kateqoriya məlum deyil
Sezen Aksunun meneceri, müğənni Yaşar Qaqa vəfat edib.
Sfera.az "Hürriyet"ə istinadən bildirir ki, bir çox ulduzla dostluq əlaqələri olan Yaşar Qaqanın vaxtsız ölümü Tarkana da pis təsir edib.
Meqastar dostuna birlikdə bəstələdikləri "Ceylan" mahnısı ilə vəda edib.
"Atəş oldun, düşdün ürəyimə, Yaşarım. Çox məyusam. Məkanın cənnət olsun, dostum. Nur içində yat...", deyə müğənni qeyd edib.
Qeyd edək ki, Yaşar Qaqa orqan çatışmazlığından dünyasını dəyişib. O uzun müddətdir müalicə olunurmuş. Müğənni ötən il Tarkan, Sezen Aksu, Göksəl, Teoman, Sərdar Ortaç və digər bir çox ulduzla duet oxuduğu möhtəşəm bir albom ərsəyə gətirmişdi. Yaşarın bu qədər nəhəng sənətçiləri necə bir araya gətirə bildiyi ilə bağlı söz-söhbətlər uzun müddət şou aləmini məşğul etmişdi.
Lalə Nəsirova
