Bəyin bacısı toyda Damlaya "qan uddurdu": "Mənə elə tərzdə baxırdı ki..."

Damla başına gələnləri Day.Az-a danışıb.

"Gəncədə toyda idim, gördüm bir xanım mənə elə tərzdə baxır ki, qutuda ilan görüm, səni görməyim. Bir baxmaq baxırdı ki... Musiqiçilərlə də yaxşı davranmırdı. Sən demə bu qadın bəyin bacısı imiş. Ortalığı qatmışdı bir-birinə. Bir mahnını saxlayıb, o birini zakaz verirdi. Bu qadın heç bir şeylə qane olmurdu. Hətta vəziyyət o yerə gəldi çatdı ki, başladı musiqiçilərlə dalaşmağa. Nə ata, nə qardaş, heç kəs bu qadını sakitləşdirə bilmirdi. Oynayır, oynadığı yerdə əlini sallayır ki, dəyiş də, bu nə mahnıdır. Bu insan, nə oxuyuruq xoşuna gəlmirdi. Mənim yerimə kim olsaydı, mikrofonu qoyardı yerə, toy sahibinə deyərdi ki, bu nədir, ələ salmısız məni? Toyda rep oxumalıyam?

Məclisdə məndən başqa da bəzi ifaçılar var idi. Biri hətta başladı ağlamağa ki, "Bu qadın məni biabır elədi. Qışqırdı ki, "az, cəhənnəm ol, otur yerində. Bu nə mahnıdır oxuyursan.

Mən də, onu çağırdım, dedim ki, toyun ən gözəl xanımı, gəlin bura. Siz çox gözəlsiz. Ondan sonra ram oldu. Mən toyda məni sevenlərə yox mənə altdan yuxarı baxanlara daha çox yaxınlıq edirəm.

Çünki, istəyirəm onların da sevgisini qazanım".

Sfera.az