Analarının yolunu gedən azərbaycanlı qızlar - FOTO
Azərbaycan səhnəsinin bir neçə məşhur xanım sənətçisi var ki, övladlarının illər sonra onlar kimi müğənni olacaqları bəlkə də ağıllarından belə keçməyib.
Lakin, bir gerçək var ki, bu gün səhnəmizdə kifayət qədər populyar olan xanım müğənnilər qızlarının müğənni kimi inkişafında və tanınmasında əllərindən gələni əsirgəmir. Belə müğənnilərdən xalq artisti Aygün Kazımova ilə qızı İlqarəni misal göstərmək olar.
Xanım-xatınlığı ilə seçilən əməkdar artist Aybəniz Haşımova olduqca mühafizəkar təəssüratı bağışlasa da, bəlkə də gözünün ağı-qarası yeganə qızı Aynişanı sənətinin davamçısı olaraq yetişdirməsi bir zamanlar çoxumuz üçün gözlənilməz idi.
Şəxsi həyatı ilə tez-tez gündəmdə olan Rəqsanənin qızı Aysun da yuxarıda sadaladığım məşhur qızlarından geri qalmır. O, müğənnilik yolunda son zamanlar atdığı qətiyyətli addımları ilə ən çox diqqət çəkənlərdəndir.
