”Onların pulu ancaq bədən kəsdirməyə gedir”
Əməkdar artist Elza Seyidcahan xanımların xarici görünüşü və sənətə münasibəti ilə bağlı səsləndirdiyi fikirlərlə gündəmə gəlib.
Sfera.az xəbər verir ki, müğənni “Kəşfet” verilişində qonaq olarkən bir çox ifaçının bir-birinə bənzəməyə çalışdığını bildirib.
O, həmçinin onların estetik əməliyyatlara və arıqlama iynələrinə üstünlük verdiyini söyləyib:
“Musiqi məktəbini bitirməyiblər, evdə də onları başa salan olmaylıb. Təsadüfən gəlib düşüblər bu sənətə. Onların pulları ancaq bədən doğratdırmağa gedir. İndi də oturublar iynə ilə arıqlamağa. Hamısı eyni sifət, yanaq, dodaq, kirpik, qaş, bədən... Bunları ancaq səslərindən tanıyırsan, üzdən yox. Muğamları, klassik mahnıları bəziləri satırlar. Villaları, evləri var, gözləri doymur. Qapıdan qovursan, pəncərədən gəlirlər.
Onlar gərək mənə 50 min versinlər ki, onlar üçün mahnı yazım”.
