Bülent Ersoy və Safiye Soyman illər sonra yenidən bir arada
Türkiyənin tanınmış səhnə ulduzları Bülent Ersoy və Safiye Soyman uzun fasilədən sonra yenidən bir araya gəlib. İkilinin görüşü sosial mediada böyük maraq doğurub.
Sfera.az xəbər verir ki, yayılan videoda Safiye Soymanın Bülent Ersoyu qucaqlayaraq ona olan sevgi və səmimi bağlılığını ifadə etməsi diqqət çəkib. O, emosional şəkildə “Sevgilim, tək və təkim, dünya gözəlim, hər şeyim. Nəhayət ki, yenidən bir araya gəldik. Səni çox sevirəm” sözlərini deyib.
Sosial şəbəkə istifadəçiləri bu görüntüləri nostalji və emosional anlar kimi qiymətləndiriblər. Bir çox izləyici ikilinin əvvəlki illərdəki televiziya çıxışlarını xatırladığını bildirib.
Videoda Safiye Soymanın zarafatla “Otaq nömrəsi” ifadəsini işlətməsi isə izləyicilər arasında nostalji hisslər yaradaraq geniş müzakirələrə səbəb olub.
Mənsumə
