Maksim Qalkin Alla Puqaçevanın yeni imicini nümayiş etdirdi

49 yaşlı Maksim Qalkin həyat yoldaşı, 76 yaşlı Alla Puqaçevanın yeni görüntülərini sosial şəbəkə hesabında paylaşıb. Müğənninin nadir hallarda foto paylaşması səbəbindən şəkillər qısa zamanda izləyicilərin diqqətini cəlb edib və geniş müzakirələrə səbəb olub.

Sfera.az xəbər verir ki, fotolar ailənin Kiprin Limasol şəhərində yerləşən restoranlardan birində çəkilib. Kadrlarda Maksim Qalkin və Alla Puqaçeva övladları ilə birlikdə görüntüləniblər.

Qalkin gəzinti üçün mavi kapüşonlu köynək və bej rəngli bomber gödəkçə seçib. Alla Puqaçeva isə yumşaq çəhrayı sviterlə sadə və zərif görünüşü ilə diqqət çəkib. İzləyicilər paylaşımın şərh bölməsində cütlüyə ünvanlanan çoxsaylı təriflər yazıblar.

Xatırladaq ki, 2022-ci ildə Alla Puqaçeva və Maksim Qalkin Rusiyanın Ukraynaya qarşı hərbi əməliyyatlarını açıq şəkildə pisləmiş və bundan sonra uşaqları ilə birlikdə ölkəni tərk etmişdilər. Ailə əvvəlcə İsraildə yaşasa da, sonradan Kiprə köçüb. Onlar həmçinin tez-tez Londona – surroqat ana vasitəsilə dünyaya gələn 12 yaşlı Liza və Harrinin təhsil aldığı şəhərə – və mülk sahibi olduqları Yurmalaya səfər edirlər.

Aynil

Sfera.az