Özcan Denizə böyük şok: "Qardaşım məni məhv etdi"

Məşhur müğənni və aktyor Özcan Deniz qardaşı Ercan Denizin borcuna zamin durduğu üçün bütün əmlakını itirmək təhlükəsi ilə üzləşib. Sənətçinin hesablarına və gəlirlərinə məhkəmə qərarı ilə həbs qoyulub.

Sfera.az xarici mediaya istinadən xəbər verir ki, tez-tez ailədaxili problemlərlə gündəmə gələn Özcan Deniz bu dəfə ciddi maliyyə böhranı ilə medianın diqqət mərkəzinə düşüb. 

“Sabah” qəzetinin məlumatına görə, sənətçinin yaşadığı bu böhran illər əvvəl qardaşı Ercan Denizin götürdüyü kreditlərə zamin durması ilə başlayıb. Borcların ödənilməməsi nəticəsində banklar birbaşa Özcan Denizin maliyyə hesablarına müdaxilə edib.

Sənətçi məsələ ilə bağlı hüquqi yollara əl atıb. Onun vəkili açıqlamasında bildirib ki, əmlakına müsadirə qərarına qarşı lazımi etirazlar edilib və hüquqların qorunması üçün məhkəməyə müraciət olunacaq.

Məhkəmə çıxışında jurnalistlərin suallarını cavablandıran Özcan Deniz qardaşı Ercan haqqında sərt fikirlər səsləndirib:

“Bu, Ercan Denizin ilk xəyanəti deyil. Keçmişimi məhv edən qardaşım və onun ailəsi indi də gələcəyimi məhv etməyə çalışır. Buna icazə verməyəcəyəm”, – deyə sənətçi bildirib.

Bəsti Rəfizadə
Sfera.az