Məşhur reper tamaşaçıya əsəbiləşdi: “Çıxışda səninlə danışacam”

Məşhur reper Reynmen ləqəbli Yusuf Aktaş Kiprdə verdiyi konsert zamanı xoşagəlməz hadisə ilə üzləşib. Səhnə performansı zamanı izləyicilərdən birinin onun üzərinə pul atması sənətçini özündən çıxarıb.

Sfera.az “Sözcü”yə istinadən xəbər verir ki, hadisəyə dərhal səhnədən reaksiya verən Reynmen bildirib:

“Pul atmaq nə vaxtdan çıxıb? Çıxışda səninlə görüşəcəyik. Onsuz da bura pulumu alıb gəlirəm. Bu etdiyin tamamilə yersiz idi”.

Reper daha sonra həmin şəxsin dostunun tanışı olduğunu öyrəndiyini deyərək əlavə edib:

“Deyirlər ki, mənim dostumun dostusan! Mənim dostum belə bir şey etməz, etdirməz də. Səninlə ayrıca danışacağıq. Bu hərəkətin mənasız idi".

Bəsti Rəfizadə
Sfera.az