Səyyad Əlizadənin həyat yoldaşı efirə çıxdı - VİDEO

Mərhum müğənni Səyyad Əlizadənin həyat yoldaşı Kəmalə Əlizadə "Günaydın Azərbaycan" proqramına qatılıb. 

Sfera.az xəbər verir ki, o, sənətçi ilə tanışlıqlarından danışıb. Kəmalə bildirib ki, "Bəyaz gecələr" mahnısı onların ilk görüşünə həsr edilib:

"Tanışlığımız vasitəçi ilə olub. Qonşu kənddənik, Səyyad 10 yaş məndən böyükdür. Amma o məktəbi bitirəndə getdi, mən isə məktəbə başladım və rastlaşmamışdıq. "Bəyaz gecələr" mahnısı da bizim ilk görüşdən yaranıb. Musiqiçi olduğuna görə mənim ailəm onu qəbul etmirdi. Nənəm deyirdi "artist"ə qız vermirik. Biz birlikdə mübarizə apardıq. Onun məni sevməyini sevdim. Gözəl sevirdi. Sonradan da gördüm ki, seviləcək insandır.

Nənəmin taleyi pis olub, onu sevdiyinə verməyiblər. Səyyadı öyrətdim ki, nənəmə məktub yaz. Yazdı, nənəmə oxudum. O da yumşaldı, razılaşdı".

Qeyd edək ki, S.Əlizadə 2021-ci ildə koronavirusdan dünyasını dəyişib.