Tanınmış ifaçı Aynişan Xəlilzadə (aynikhalid) şəxsi "Instagram" hesabında etdiyi səmimi paylaşımı ilə izləyicilərini duyğulandırıb. O, həyatındakı çətinliklər, özünə münasibəti və emosional mübarizələri ilə bağlı açıq etiraflar edib. Onun paylaşması, həm də bir növ daxili hesabat və motivasiya mesajı kimi qarşılanıb.

Sfera.az xəbər verir ki, müğənni 10 maddəlik səmimi etiraf siyahısında həm psixoloji, həm də emosional vəziyyətindən bəhs edib.

“Soyuq insanam. Təsəlli verməyi, sevgimi sözlə göstərməyi bacarmıram”, – deyə ifaçı yazıb və əlavə edib ki, dostları onun daxili dünyasını anlayır və buna görə uzaqlaşmırlar.

Həmçinin o, paylaşımında daha bir maraqlı nüansa da toxunub – o, “Eurovision” seçimlərindəki çıxışlarının “YouTube”dan silinməsini istədiyini qeyd edib:

“Çünki baxanda utanıram və nə qədər hazır olmadığımı görürəm”.

Müğənni, həmçinin “Hashimoto” xəstəliyindən əziyyət çəkdiyini, bu səbəbdən hormonal dəyişikliklər yaşadığını bildirib. Aynişanın sözlərinə görə, bəzən özünü belə idarə edə bilmir.

Duyğusal durumunu açıq şəkildə paylaşan ifaçı qeyd edib ki:

“Ağır bir emosional zərbə alanda günlərlə yata bilərəm, çünki həyatla üz-üzə qalmaq istəmirəm”.

Etirafları arasında onu da vurğulayıb ki, özünü sevməyi yalnız indi-indi öyrənir:

“Əvvəllər dildə sevirdim, amma əməldə özümə qarşı zalım idim”.

Son olaraq Aynişan şəxsi həyatına dair maraqlı detalı da bölüşüb:

“8 ay evli olmuşam. O dövr həm ən ağır, həm də ən böyük dərs idi”.

Sosial mediada böyük maraq doğuran bu paylaşım, bir çox izləyicidə empatiya yaradıb və şəxsi mübarizələrin paylaşılmasının nə qədər güclü bir addım olduğunu bir daha göstərib.

Bəsti Rəfizadə
Sfera.az

Aynişandan etiraflar: "8 ay evli olmuşam..."