"Ailəli olduğum vaxtlar ən ağır dövrüm idi" - Aynişandan etiraflar

Əməkdar artist Aybəniz Haşımovanın bloger qızı Aynişan Quliyeva həyatı ilə bağlı etiraflar edib.

Sfera.az xəbər verir ki, bloger bir müddət əvvəl ailə qurması və qısa zamanda ayrılması haqda yazıb. O bildirib ki, ağır günlər yaşayıb:

"8 ay evli olmuşam. O dövr həm ən ağır, həm də ən böyük dərs idi".

"34 yaşım var, artıq bunları etiraf etməkdən çəkinmirəm" deyən Aynişan "Avroviziya" seçimlərinə qatıldığı üçün peşman olduğunu bildirib:

"Avroviziya" seçimlərindəki çıxışlarımın yutubdan silinməsini istəyirəm. Çünki baxanda utanıram və nə qədər hazır olmadığımı görürəm. "Hashimoto" (qalxanabənzər vəzin xroniki iltihabi - red.) xəstəsiyəm. Onunla savaşmaq yerinə, dostlaşmağı və balanslı yaşamağı seçmişəm. Onsuz da ömürlükdür. Bu səbəbdən hormonal dəyişikliklərim olur. Bəzən özümü belə idarə edə bilmirəm".

Qeyd edək ki, Aynişan Kənan adlı bəylə ailə qurub və qısa vaxt sonra ayrılıb.

(Axşam.az)