Vanda Nara yenidən eşqə düşdü - Növbəti sevgilisi də futbolçudur - FOTO

Argentinalı model və aparıcı Vanda Nara şəxsi həyatı ilə yenidən gündəmə gəlib. O, hazırda Fransanın PSJ klubunda çıxış edən maraketşli futbolçu Əşrəf Hakimi ilə sevgilidir.

Sfera.az Türkiyə mediasına istinadən xəbər verir ki, Vanda Nara, daha əvvəl futbolçu Maksi Lopeslə evli olub.

2014-cü ildə Lopesin komanda yoldaşı Mauro İkardi ilə ailə həyatı quran Nara, bu münasibətə görə illərlə tənqid olunmuşdu. Onların evliliyi mart ayında qalmaqallı şəkildə başa çatıb.

Boşandıqdan sonra bir müddət argentinalı reper L-Gante ilə münasibətdə olan Nara, daha sonra ondan da ayrılmışdı. Mətbuatda yer alan xəbərlərə görə, Nara bir müddət keçmiş əri İkardiyə qayıtmaq istəsə də, bu istəyi cavabsız qalıb.

Son olaraq onun PSJ-nin ulduz futbolçusu Əşrəf Hakimi ilə münasibət yaşadığı iddia edilir. Cütlüyün birlikdə görüntülənməsi bu xəbərləri bir qədər də gücləndirib.
Hazırda tərəflərdən bu iddialarla bağlı rəsmi açıqlama verilməyib.

Bəsti Rəfizadə
Sfera.az