"Səsimi batırmaq, məni ört-basdır etmək istəyirlər"
"Bir çox insan var ki, hələ də səsimi batırmaq istəyir. Məni ört-basdır etmək, haqqıma girmək istəyirlər. Amma bu qeyri-mümkündür".
Sfera.az xəbər verir ki, bu sözləri müğənni Tacir Şahmalıoğlu "7 Tamam" verilişində deyib.
"Mən o vaxt "Bayatı-Şiraz"ı bir dəfəyə oxumuşdum. O zaman deton götürmək kimi şeylər yox idi, nə oxumuşdunsa, o idi. Bütün şəhidlərimizə Allahdan rəhmət diləyirəm, qazilərimizə can sağlığı arzu edirəm. Ali Baş Komandananımıza Allah can sağılığı versin. Bir şeyi demək istəyirəm ki, onun iştirak etdiyi tədbirlərə mən də gedim. Desinlər ki, "Bayatı-Şiraz"ı oxuyan mənəm. Nə olar ki? Mən buna görə yanıram.
Bilirsiniz ki, sovet dövründə inciləri axtarırdılar, üzə çıxarırdılar. İndi isə inciləri basdırırlar. Niyə görə? Mən varam axı, yaşayıram, ölməmişəm. Hələ Tacir Şahmalıoğlu yaşayır. Niyə məni ört-basdır, vur-çıx etmək istəyirsiniz?" deyə, Tacir Şahmalıoğlu bildirib.
