Röya Ayxandan cəsarətli yaz paylaşımı – FOTOLAR
Müğənni Röya Ayxan sosial şəbəkədə yeni paylaşımı ilə gündəmə gəlib.
Sfera.az xəbər verir ki, sənətçi “Instagram” hesabında yaz fəslinə uyğun, açıq-saçıq və cəlbedici obrazda çəkilmiş fotolarını izləyiciləri ilə bölüşüb.
Dantelli qara kombinezon, zərif əlcəklər, parlaq boyunbağı və retro tərzdə saç düzümü ilə kamera qarşısına keçən Röya, cazibədar görünüşü ilə sosial media istifadəçilərinin diqqətini çəkib. İncə makiyaj və gün eynəkləri ilə tamamlanan bu iddialı obraz, sənətçinin dəbli və özünəinamlı duruşunu bir daha nümayiş etdirib.
Röya Ayxan, izləyicilərindən minlərlə bəyənmə və çoxsaylı şərh toplayıb. İzləyicilər onun bu görünüşünü “diva”, “moda ilhamı” və “əsl yaz simvolu” kimi dəyərləndiriblər. Qeyd edək ki, Röya Ayxan son zamanlar həm səhnə performansları, həm də imic dəyişikliyi ilə diqqət mərkəzində qalmağa davam edir.
Bəsti Rəfizadə
Sfera.az
