Türk aktrisa Londonda mühüm tədbirdən qovuldu - FOTO
Türkiyə əsilli televiziya ulduzu Ekin-Su Cülcüloğlu Londonda keçirilən BAFTA televiziya mükafatlandırma mərasimindən sonra rəsmi şam yeməyinə gizlicə daxil olmağa çalışarkən təhlükəsizlik işçiləri tərəfindən məkanın xaricinə çıxarılıb.
Sfera.az xəbər verir ki, "Love Island" proqramının qalibi olan 30 yaşlı Ekin-Su tədbirə sponsorlardan biri olan "P&O Cruises" tərəfindən dəvət olunmuşdu. Lakin o, rəsmi şam yeməyinə və tədbirdən sonrakı qonaqlığa dəvət edilməmişdi. Buna baxmayaraq, məşhur ulduz bəxtini sınayaraq özünü dəvətlilər arasında göstərmək istəyib.
Hadisə şahidlərinin dediyinə görə, Ekin-Su yemək masaları arasında məqsədsiz şəkildə dolaşır, tanınmış simaların - Damian Lewis, David Tennant və James Corden-in olduğu tədbirdə oturmaq üçün yer axtarırmış.
Ulduza yaxın mənbələr Ekin-Su'nun sadəcə çıxış yolu axtardığını iddia edirlər. Onun nümayəndələri də rəsmi şam yeməyinə dəvət almadığını təsdiqləyib. (Milli.az)
