Məşhur müğənni botoksdan imtina etdi: “Rəzil oldum, mənə yaraşmır”
Türk pop musiqisinin tanınmış simalarından olan Rafet El Roman botoksla bağlı etiraf edib. Bir müddət əvvəl 56 yaşlı müğənninin üzündəki dəyişikliklər sosial mediada müzakirə mövzusuna çevrilmişdi.
Sfera.az xəbər verir ki, müğənni son açıqlamasında estetik əməliyyat etdirmədiyini, ancaq bir dəfə botoksu sınaqdan keçirdiyini bildirib.
El Roman botoksun nəticəsindən narazı qaldığını və bu təcrübənin ona yaraşmadığını etiraf edib:
“Hamı bunu bir dəfə sınaqdan keçirir. Ətrafımızda bu cür hallar çoxdur. Bir şəkildə bizi aldadırlar. “Botoks etdir, bax necə yaxşı olacaq, qırışıqlıqlar gedəcək” deyirlər. Mən də bir dəfə etdirdim, rəzil oldum”.
O, bundan sonra heç vaxt belə prosedurlara müraciət etməyəcəyini bildirib:
“Buradan bir daha deyirəm, mən heç vaxt estetik əməliyyat etdirməmişəm. Sadəcə bir dəfə botoks sınadım və onun da mənə yaraşmadığını anlayandan sonra bir daha etdirmədim”.
Bəsti Rəfizadə
Sfera.az
