Dilan və Engin Polatın lüks avtomobilləri satışa çıxarıldı - FOTOLAR

Vergi qaçaqçılığı və qanunsuz gəlir əldə etmək ittihamları ilə bir müddət əvvəl həbs edilən və daha sonra azadlığa buraxılan Dilan və Engin Polat cütlüyünün lüks avtomobilləri bu gün satışa çıxarılıb.

Sfera.az Türkiyə mediasına istinadən xəbər verir ki, Polatlara məxsus “Milda Gayrimenkul Otomotiv A.Ş.” şirkətinin adına qeydiyyatda olan 8 ədəd lüks avtomobil TMSF-nin (Türkiyə Əmanətlərin Sığortalanması Fondu) təşkil etdiyi açıq hərrac vasitəsilə alıcılara təklif olunur.

Avtomobillərin ümumi dəyəri 77 milyon TL (2,02 milyon dollar) olaraq müəyyən edilib.

TMSF tərəfindən qəyyum təyin edildikdən sonra avtomobillər təhlükəsizlik kameraları ilə 24 saat nəzarət altında xüsusi dayanacaqda saxlanılırdı. Avtomobillərin bazar qiymətləri müstəqil qiymətləndirmə şirkəti tərəfindən təyin edilib.

Polat cütlüyünün əmlakları daha əvvəl dövlət tərəfindən müsadirə edilmişdi. Satış prosesi, cütlüyün əleyhinə irəli sürülən maliyyə pozuntuları çərçivəsində həyata keçirilir.

Bəsti Rəfizadə