Məşhur Hollivud ulduzu vəfat etdi - FOTO

Məşhur Hollivud aktyoru Val Kilmer 65 yaşında dünyasını dəyişib. “Heat”, “Top Gun” və “Batman Forever” kimi filmlərlə tanınan Kilmerin ölüm səbəbinin sətəlcəm olduğu bildirilib.
Sfera.az "En Son Haber"ə istinadən xəbər verir ki, aktyorun qızı Mercedes Kilmer atasının bir müddətdir bu xəstəliklə mübarizə apardığını və nəticədə həyatını itirdiyini açıqlayıb.
O, həmçinin Val Kilmerin 2014-cü ildə qırtlaq xərçənginə tutulduğunu, lakin sonradan sağaldığını qeyd edib.
1959-cu ilin dekabrında Los-Ancelesdə anadan olan Kilmer karyerasına “Top Secret!” (1984) və “Real Genius” (1985) kimi komediya filmləri ilə başlayıb. 1986-cı ildə çəkildiyi “Top Gun” filmindəki “Iceman” rolu ilə məşhurlaşan aktyor, 1995-ci ildə “Batman Forever” filmində Batman obrazını canlandırıb.
Kilmerin “Heat” filmindəki Chris Shiherlis rolu isə kino tarixində ikonik obrazlardan biri kimi qiymətləndirilir.
Bəsti Rəfizadə