Türkiyəli məşhurların bilinməyən xəstəlikləri

Türkiyəli sənətçilərin bəziləri müəyyən xəstəliklərdən əziyyət çəksə də az adam bununla bağlı məlumatlıdır.

Sfera.az xəbər verir ki, bununla bağlı Türkiyənin “Posta” qəzeti araşdırma aparıb.

Şəxsi həyatı və karyerası ilə tez-tez gündəmə gələn, qalxanabənzər vəzində problem olan və müntəzəm dərman qəbul edən məşhur aparıcı Seda Sayan aclığa dözə bilmir. Yemək yeməyəndə başgicəllənmə və narahatlıq keçirən aparıcı bu sağlamlıq probleminə hələ də qalıcı çarə tapa bilməyib.

“Minik serçe” ləqəbi ilə tanınan ustad sənətçi Sezen Aksu uzun illərdir “panik atak”dan müalicə alır. Müalicə prosesinə baxmayaraq, o, hələ də bu xəstəliyə tam qalib gələ bilməyib.

Uğurlu aktyorluğu ilə tanınan Kıvanç Tatlıtuğ isə bir müddət yuxusuzluqdan əziyyət çəkib. O, uzun müalicə prosesi sayəsində həyati təhlükəsi olan bu xəstəliyə qalib gələ bilib.

Məşhur şoumen Mehmet Ali Erbil isə “qaçış sindromu” adlanan xəstəliyə görə tez-tez xəstəxanaya yerləşdirilir və daimi həkim nəzarəti altında yaşayır.

79 yaşlı məşhur müğənni Ajda Pekkanın ürək problemi isə illər sonra üzə çıxıb. Daha əvvəl ürəyinə iki stend taxılan Pekkanın xəstəliyi təkrarlanandan sonra yenidən ürək əməliyyatı etdirib. Son zamanlar bununla bağlı heç bir problem yaşamasa da, müğənninin ürək xəstəliyi hələ də davam etməkdədir.