Sərtab Ərənər məhkəməyə verildi

Türkiyənin tanınmış müğənnisi Sərtab Ərənərə qarşı məhkəmədə iddia qaldırılıb.

Sfera.az xəbər verir ki, ifaçı özünə aid mahnıları Yutub kanalında icazəsiz paylaşmaqda ittiham olunur.

Belə ki, musiqi prodüser şirkəti İstanbul Əqli Mülkiyyət Məhkəməsinə müraciət edərək, "Lal" və "Sakin ol" adlı albomların rəqəmsal platformada icazəsiz paylaşıldığını iddia edib.

Şirkət sözügedən albomların müəllif hüquqlarının özünə məxsus olduğunu bildirir. 60 yaşlı sənətçidən mahnıları platformadan silməsi və bir daha orada yerləşdirməməsi tələb edilib.