Elgiz: “Qızda kişi gücü vardı, məni boğurdu, xırıldayırdım”
Elgiz Əkbər efirdə başına gələn qoxunc hadisədən söz açıb.
Sfera.az olay-a istinadla xəbər verir ki, bu barədə aparıcının özü danışıb.
O bildirib ki, 15 yaşlı psixi xəstə ona hücum çəkib:
“İllər əvvəl aparıcısı olduğum proqrama bir ailə yardım üçün müraciət etmişdi. Həmin ailənin 15 yaşlı qızı psixi pozğunluqdan əziyyət çəkirdi. Amma belə problemin olduğunu bilmirdim.
Qız ailəsi ilə tamaşaçıların arasında birinci sırada əyləşmişdi. Proqramın ortasında gördüm ki, qız mənə baxıb qəribə hərəkətlər, səslər çıxarır, mənə tərs-tərs baxır. Mən də çaş-baş qalmışdım.
Ekspertlərin biri qızın hansı vəziyyətdə olduğunu bilib, başlayıb onu aqressivləşdirməyə. Kamera eksperti göstərməyəndə o qıza baxıb qaşlarını çatıb. Qız efirdə mənə hücum çəkdi.
Arxada da dekorasiya var idi. Həmin dekorasiya sökülüb-yığılırdı. Yəni əl vursan, dekorasiya yerə töküləcək.
Üstümə hücum etdikcə, mən arxaya çəkilmək məcburiyyətində qaldım. Tutdu mənim boğazımdan.15 yaşında gənc bir qızın gücü inanılmaz bir şeydir. Kişi səsi çıxarıb, qışqırırdı. Sanki içində bir insan oturmuşdu. Xırıldayırdım...
Studiyada olanlar şokda idilər. Bir insan da yardıma gəlmədi. Sonra həmin hadisənin videosunu Türkiyədə, İsraildə və Hindistanda televiziya vasitəsi ilə nümayiş etdirmişdilər”.
