Məşhur cütlük ayrılır - "Fərqində olmadan zərər verirəm"

Narkotik istifadə etdiyi iddiasıyla saxlanılan və sonra sərbəst buraxılan sosial media fenomeni Dilan və Engin Polat cütlüyü ayrılmaq qərarına gəlib.  Dilan Polat ayrılmaq qərarını sosial media hesabında paylaşıb. 

Sfera.az "Sözcü" qəzetinə istinadən xəbər verir ki, Dilan Polat sosial media hesabındakı paylaşımında əri Engin Polatla yollarını ayırmaq qərarına gəldiyini açıqlayıb. 

Dilan Polat bildirib ki, bu birlik onlara zərər verir:

“Birlikdə zərər görürük. Deməli alınmır. Fərqində olmadan yaxşı niyyətimlə zərər verirəm. Hər kəsdən, hər şeydən uzaqlaşmaq istəyirəm. Artıq yaşamaq həvəsim yoxdur. Həyat yoldaşım Engin Polatla yolları ayırmağa qərar verdim". 

Sosial media hesablarını bağlayacağını bildirən Polat açıqlamasına bu sözləri də əlavə edib: "Mən heç kimə bilərək pislik etmək istəmirəm, sadəcə uzaqlaşmaq istəyirəm. Siz məndən hər şeyi aldınız: həyat sevincimi, həvəsimi, hər şeyi." Engin Polat sosial media hesabından verdiyi açıqlamada, "Həyat yoldaşım yalan xəbərlərdən çox təsirlənib. Biz bir ailəyik və hər şəraitdə bir-birimizə sıx bağlıyıq. Həyat yoldaşımla bir müddət burada olmayacağıq". 

Bəsti Rəfizadə