“Kömək etdiyim o xanım indi bir nömrədir” - Manaf kimi nəzərdə tutur?

Müğənni Manaf Ağayev açıqlaması ilə diqqətləri üzərinə cəmləyib.

Sfera.az olay.az-a istinadən xəbər verir ki, sənətçi qonaq olduğu "Rəngarəng" verilişində bildirib ki, xanım həmkarı onun məsləhətinə əməl etdikdən sonra toy bazarında birincilik əldə edib.

"Bir xanım müğənni var. Bu dəqiqə o çox məşhurdur və çox sayda toylara gedir. Günlərin bir günü gəlib mənə dedi ki, nə oxuyuramsa tutmur, mən nə edim, məsləhət verin. Onun mahnılarını və oxumağını dinlədim anladım ki, həqiqətən də bu əsl sənətdir və ona uyğun mahnılar oxuyub, kliplər çəkdirib. Dedim ki, bu əladır amma bunlar heç kimə lazım deyil. Sən istədiklərini eləmək üçün bunlara etməyin gərək deyil. Yalandan çıxıb demək ki, sənət üçün bunu etdim və sairə... Üstəlik sən toya getməyə yol axtarırsan. O xanım müğənniyə lazım olan material verdim bundan sonra o oldu bir nömrə. Hazırda o bizim bu toy bazarında bir nömrədir. O, Arzu Bədərlidir. Onu mən yollamışam, mən seçmişəm. Ona dedim ki, sən klassik mahnılarla toy bazarına girə bilməyəcəksən. Arzuya çox dəstək oldum. Müğənni toy bazarına girmək üçün düzgün seçim etməlidir. Əsl sənət üçün oxuyursansa efirə çıxmaq lazım deyil, otur evdə oxu", - deyə Manaf vurğulayıb.