Nikol Kidman və Keyt Urbanın evinə oğru girdi

Hollivud aktrisası Nikol Kidman və onun əri, musiqiçi Keyt Urbanın Beverli Hillsdəki malikanəsinə oğru girib.

 

Sfera.az bildirir ki, bu barədə "TMZ" nəşri məlumat yayıb .

 

Nikol Kidman və Keyt Urban soyğun zamanı evdə olmayıblar. Lakin jurnalistlərin dediyinə görə, sənətçilərin əməkdaşlarından biri oğrunu qorxudub. Kişi malikanənin pəncərəsini sındırsa da, ayaq səslərini eşidib qaçıb. Hələlik nəsə oğurlanıb-oğurlanmadığı məlum deyil. Qeyd olunur ki, polis Nikol Kidman və Keyt Urbanın mülklərini yoxlamasını və məlumat paylaşmasını gözləyir. Hazırda hüquq-mühafizə orqanları araşdırma aparır.

 

Nikol Kidman və avstraliyalı müğənni Keyt Urban 2005-ci ildən birlikdədir. Cütlüyün iki övladı var: Sunday Rose və Faith Margaret.  

 

Aktrisanın həmkarı Tom Kruzla evliliyi zamanı övladlığa götürdüyü iki uşağı da var. Sənətçilərin 2001-ci ildə boşanmasından sonra qızları İzabella Ceyn və oğlu Konnor Entoni atalarının yanında qalmağa üstünlük veriblər.

 

İnci