Qalmaqallı səhnə \"Recep İvedik-5\"dən çıxarıldı

Türkiyənin məşhur aktyorlarından olan Şahan Gökbakar qalmaqallı hissənin filmdən çıxarıldığını açıqlayıb. Sfera.az xatırladır ki, bir neçə gün əvvəl "Recep İvedik-5” filminin treylerində Azərbaycanla bağlı bir səhnə etirazlara səbəb olmuşdu. Müxtəlif xəbər saytlarında, sosial şəbəkələrdə əsas müzakirə mövzusu olmuşdu. Filmin treyleri görünməmiş sayda, 10 milyondan çox izlənmişdi.

Filmin aktyoru boks yarışında Azərbaycanı təmsil edən idmançını bir güclü zərbə ilə uzağa tullayır. Bu görüntülər Azərbaycanda ciddi etirazlarla qarşılanmışdı.

Adıçəkilən filmdə baş rolun ifaçısı Şahan Gökbakar öz İnstagram səhifəsində bir açıqlama verib. Göstərilən diqqətdən xeyli razı qaldığını deyən Gökbakar müzakirələrə səbəb olmuş hissəsnin artıq çıxarıldığını bildirib: "Mən filmlərini güldürmək üçün çəkirəm. Bir azəri qardaşımın belə narazı qalması belə mənim də xoşuma gəlməz. Məhz buna görə həmin hissəni çıxardırıb. Beləliklə məndən mərd bir jest olsun, həm də buna görə pis niyyətlə filmimin üstənə gələnlərin oyununu pozmuş oluram".