“Bütün məhəllə yerlə-yeksan oldu...”
Xəbər verdiyimiz kimi, Beren Saat və Kənan Doğulu cütlüyünün 2018-ci ildə Los-Ancelesdə 1 milyon 200 min dollara aldığı malikanə yanaraq kül olub.
Sfera.az xəbər verir ki, sənətçi bu barədə “Posta”ya müsahibə verib.
“Xatirələr, studiyam, şəkillər, videolar, tablolar və kolleksiyam... Hamısı yandı. Bütün məhəllə yerlə-yeksan oldu. Dostlarımız, tanışlarımız evsiz qalıb”, - deyə, Kənan bildirib.
O deyib ki, yanğınlar tamamilə bitdikdən sonra Berenlə birgə evlərinə gedəcəklər.
Xatırladaq ki, evi yanan türk məşhurlar arasında “Survivor” yarışması ilə tanınan Turabi Camkıran da olub.
Qeyd edək ki, sözügedən ərazidə bir çox türkiyəli məşhurlar mülk sahibidir.
Siyahıda 2015-ci ildə xanımı Sinem Koballa Los-Ancelesdə ev alan Kənan İmirzalıoğlunun adı da var.
Şəhərədə ev sahibi olanlar arasında məşhur aktyor Cağatay Ulusoy da var. 2020-ci ildə Los-Ancelesdə restoran açan Ulusoyun həmin ərazidən ev də aldığı məlumdur.
Serenay Sarıkaya 2018-ci ildə Kerem Bürsinlə münasibəti zamanı Los-Ancelesdə mənzil alıb. Türkiyə KİV-də yayılan xəbərlərə görə, həmin evin qiyməti 500 min dollardan çoxdur. ("Qafqzinfo")
