Coli oğlunun keçirdiyi qəzaya görə Pitti GÜNAHLANDIRDI: "Vecsiz..."

Aktrisa Ancelina Coli keçmiş əri aktyor Bred Pitti oğlunun qəzaya uğramasına səbəb olmaqda ittiham edib. 

Sfera.az xəbər verir ki, bu barədə "In Touch Weekly" məlumat yayıb.

“Ancelina hesab edir ki, Bred onun tək övlad böyüdən ana kimi keçdiyi çətinlikləri qiymətləndirmir. İlk növbədə onun bu vəziyyətə düşməsi Bredin günahıdır, çünki o, öz etinasızlığı nəticəsində sahib olduğu ailəni məhv edib", - nəşr bildirib.

Mənbə əlavə edib ki, Ancelina Coli keçmiş ərini vecsiz hesab edir. Ancelinanın fikrincə, Bred övladlarını böyütmək əvəzinə, onu məhkəmələrdə süründürmək üçün milyonlar xərcləyir.

Xatırladaq ki, iyulun 29-da Coli və Pittin oğlu  Los-Ancelesdə qəzaya düşüb. Paks elektrik velosipedini avtomobilə çırpıb. Qeyd olunur ki, oğlan dəbilqəsiz hərəkət edib. Hadisə yerinə polis əməkdaşları və həkimlər gəlib. Ötən gün Bred Pitt qəzadan sonra oğlu Paksla əlaqə saxlaya bilmədiyini deyib. Aktyor qəzaya görə çox məyus olduğunu və heç nə edə bilmədiyi üçün özünü pis hiss etdiyini bildirib. Pitt dəfələrlə övladlarına zəng etsə də, onlar atalarının zənglərinə cavab verməyiblər.

İnci