Avstraliyalı jurnalist Ben Makdonald müğənni Teylor Sviftin atasını hücumda ittiham edib və polisə bununla bağlı ifadə verib. 

Sfera.az xəbər verir ki, bu barədə Avstraliyanın "ABC" nəşri yazıb.

Jurnalistin sözlərinə görə, 71 yaşlı kişi yerli vaxtla saat 02:30 radələrində Sidneydə estakadada müğənninin şəklini çəkmək istəyən zaman onun üzünə zərbə endirib. 

Makdonald bildirib ki, Sviftin təhlükəsizlik komandası çətirləri onun kamerasına tuşlayıb və onu məkandan uzaqlaşdırmağa çalışıb, bundan sonra müğənninin atası ona yumruq vurub.Fotoqraf qeyd edib ki, bu onun 23 illik karyerasında ilk belə haldır.

Avstraliya polisi hadisəni araşdırdıqlarını təsdiqləyib. Sviftin Avstraliyadakı konsertinin təşkilatçıları  AFP-yə bildiriblər ki, Sidney estakadasında iki nəfər müğənniyə yaxınlaşmağa çalışaraq onun təhlükəsizliyinə xələl gətirib və işçini suya atmaqla hədələyib.

İnci