Məşhur müğənni səhnəni tərk etdi: “Özümü məcbur etsəm də…”

Deniz Tekin 2014-cü ildə başladığı musiqi karyerasını bitirdiyini açıqlayıb. 

Sfera.az xəbər verir ki, 26 yaşlı müğənni musiqi karyerası ilə vidalaşdığını sosial media hesabında paylaşım edərək açıqlayıb:
 
“Dəfələrlə bu sahədə yıxıldım, qalxdım. Bir müddətdir ki, yorğun hiss edirəm. Bilirəm ki, bu nöqtədən sonra özümü məcbur etsəm, konsertlərdə istədiyim performansı göstərə bilməyəcəyəm. Artıq 10 ilə yaxındır, musiqimizi bir çox cəhətdən inkişaf etdirmişik. Siz də bizi hər halımızla qəbul etdiniz. Bunun üçün çox sağ olun.16 yaşından 26 yaşına qədər səhnədə musiqi yaratmaq əksər yollarla müqayisədə stresli, lakin ibrətamiz idi. İndi fərqli bir yolla getmək istəyirəm. Səhnəyə qayıtmaq fikrində deyiləm. Bəlkə, bir gün lentə aldıqlarımı sizinlə paylaşacağam, amma ondan pul qazanmayacağam”.

Firuzə Əliyeva