Bredli Kuper Gigi Hadidlə sevgili olduqlarını təsdiqlədi - FOTO

28 yaşlı amerikalı model Gigi Hadid və 49 yaşlı aktyor Bredli Kuper günlərdir romantik münasibət şaiyələri fonunda Londonda əl-ələ gəzərkən görüntüləniblər.

Sfera.az bildirir ki, cütlük dəfələrlə birlikdə görüntülənsə də, ilk dəfədir ki, münasibətlərini açıq şəkildə nümayiş etdirmək üçün jest edirlər. Ulduzlar Londona gəzintiyə çıxıblar.

Onlar romantik gəzinti zamanı nəhayət ki, münasibətlərini təsdiqləyib.

Fələstin əsilli supermodel boş bej şalvar, tünd qəhvəyi rəngli dəri bomber gödəkçə və qara loafers geyinib. O, görünüşü kiçik qara çanta, gün eynəyi və qızıl sırğalarla tamamlayıb. O, saçlarını səliqəli topuzla yığıb.
 

Kuper isə cüt cibli qara palto, kamuflyaj şalvar, “Nike” idman ayaqqabısı və qara şərfdə olub. Aktyor görünüşünü günəş eynəyi ilə tamamlayıb və mavi damalı papaq ilə özünə bir az da xarizma əlavə edib.


Qeyd edək ki, ilk dəfə 2023-cü ilin oktyabrında cütlüyün münasibətləri olması haqqında şaiyələr dolaşmağa başlayıb.
 

Son bir ildə Gigi Hadidin Leonardo DiCaprio ilə münasibəti olduğu haqda da xəbərlər yayılmışdı. Xatırladaq ki, Giginin Zeyn Malikdən üç yaşlı Hay adlı qızı var.
 

Bredli Kuperin isə model İrina Şeykdən Liya adlı bir qızı var.

Aynil

Sfera.az