31 yaşlı amerikalı müğənni Selena Qomez musiqidən tamamilə uzaqlaşmağı düşünür. Lakin bundan əvvəl daha bir albom çıxarmaq niyyətindədir.

Sfera.az bildirir ki, o, yorğun olduğunu etiraf edib.

"Mən ilk vaxtlar musiqiyə əyləncə kimi baxırdım. Daha sonra qastrollar, konsertlər, ziyafətlər -hamısı, həqiqətən, əyləncəli idi. Ancaq mən eyni vaxtda öz televiziya şoumda çıxış edirdim (“Vaverlinin sehrbazları”) və indi də bu işimdən çox zövq alıram”.

Müğənni son bir albom çıxaracağını və daha sonra diqqətini aktyorluğa yönəldəcəyini etiraf edib:

"Yorğun olduğum üçün dincəlmək istəyirəm".

Qeyd edək ki, ilk dəfə 2013-cü ildə solo layihəsinə “Stars Dance”la başlayan Selena Qomez, o vaxtdan bəri üç albom buraxıb.O, müğənnilik fəaliyyəti ilə yanaşı, bir neçə televiziya şousunda və filmlərdə rol alıb.Musiqi karyerasındakı uğuruna baxmayaraq, Qomez 2016-cı ildə “Revival” turundan bəri qastrollara getmir. Xatırladaq ki, məhz bu tur ərəfəsində ona lupus diaqnozu qoyulub. Psixi problemləri səbəbilə müğənni qastrol səfərini yarıda kəsib.

Selena hal-hazırda məşhur “Eyni binada qətllər” serialında çəkilir. Bundan əlavə, o, “Rare” kosmetika brendinin sahibidir. Selena Beyons, Cennifer Lopez, Rihannadan sonra iş qadını kimi tanınan müğənnilərdəndir.