Filipp Kirkorov Yeni il şənliklərindən uzaqlaşdırılır - SƏBƏB
56 yaşlı müğənni Filipp Kirkorov məşhur bloger və “Başlar və quyruqlar” səyahət şousunun keçmiş teleaparıcısı Nastya İvleevanın aparıcısı olduğu “çılpaq gecədə” iştirak etdiyi üçün qalmaqalla üzləşib.
Şou qalmaqalla qarşılandıqdan sonra Kirkorov dərhal reputasiyasını “ağartmağa” başlayıb.
Sfera.az bildirir ki, bu tədbirdə iştirak etdiyi üçün Rusiyanın xalq artisti pul ödəməli olacaq. Rusiya KİV-nin məlumatına görə, hazırda telekanallarda pop kralının bütün verilişlərdə iştirakını kəsmək üçün məsələ qaldırılır. Bu addımı ilk atan NTV kanalının prodüserləri olub.
O cümlədən, kanal rəhbərliyi “Maska” şousunun alternativ variantının Kirkorovsuz hazırlanmasını tələb edir. NTV-dəki mənbənin bildirdiyinə görə, kanal rəhbərliyinin Filip Bedrosoviçin işdən çıxarılması barədə göstərişi dəqiq kimdən aldığı məlum deyil. Ancaq səbəbin çılpaq gecədə iştirak olduğu prodüserlərə açıq şəkildə göstərilib.
Sənətçini proqramdan təcili olaraq montaj etmək lazım gələcək. Çünki yeni versiya dekabrın 31-də hazır olmalı idi. Mənbənin sözlərinə görə, şounun keyfiyyəti buna görə xeyli aşağı düşüb, lakin başqa variant yoxdur: Əvəzləyicini çəkməyə vaxt yoxdur.
Qeyd edək ki, Kirkorov işdən çıxarılması əmrindən əvvəl üzr istəyib. O, şou haqqında heç nə bilmədiyini etiraf edib və İvleevanın bir dəfə onun klipində rol aldığı üçün oraya qatılmağa razılaşdığını bildirib. Kirkorov qeyd edib ki, nə baş verdiyini anlayan kimi dərhal oranı tərk edib.
Kirkorov, bunun onun səhvi olduğunu və heç bir pis niyyətinin olmadığını qeyd edib. Nə olursa olsun, şou sənətçinin reputasiyasına zərbə vurub. Amma yenə də üzr istəməsindən sonra hər şeyin düzələcəyini demək olar.
Xatırladaq ki, dekabrın 20-də Filipp Kirkorov digər ulduzlarla birlikdə Moskvanın "Mutabor" klubunda baş tutan çılpaq gecəyə qatılıb. İvleevanın təşkil etdiyi gecə ictimai xadimlər tərəfindən kəskin şəkildə pislənib. Dövlət Dumasının deputatı əsas kanalların rəhbərliyindən şou iştirakçılarını efirdən kəsməyi xahiş edib.
Aynil
Sfera.az
