“Efirlərə çıxmağı sevmirəm. Tamaşaçı qarşısına işlə çıxmağı sevirəm. Son vaxtlar isə işsizlikdir. Deyirəm nədən danışım? Efirlərə çıxıb nə edəcəm, yeni işim yoxdur”.

Sfera.az xəbər verir ki, bu sözləri Əməkdar artist Vəfa Zeynalova “Səhər mərkəzi” proqramında deyib.

Aktrisa  rejossordan yeni təkliflər gözlədiyini bildirib:

"Mənə uyğun təklif olarsa, qəbul edəcəm. Ssenari, ətrafdakı qrup və tərəf müqabili qane edərsə, razılaşacam". 

V.Zeynalova serialların hazırki durumundan da gileylənib:

“Maraqlı, iddialı ideyaları olan gənclər var. Son illər çəkilən seriallardan, uşaqların gördüyü işdən razıyam. Kiçik büdcələrlə nələrsə yaradırlar. Amma serial bazarını gözdən keçirsək, acınacaqlı durumun şahidi olarıq. İndi hamı çəkilən serialların keyfiyyətdən narazıdırlar. Amma həmin serialların hansı əziyyətlərlə ərsəyə gəldiyini bilmirlər”.

Axşam.az