Alla Puqaçova Rusiyaya niyə qayıdıb? - Özü AÇIQLADI
SSRİ Xalq artisti, rus estradasının primadonnası Alla Puqaçovanın Rusiyaya qayıtmasının səbəbi açıqlayıb.
Sfera.az “SHOT” teleqram kanalına xəbər verir ki, sənətkar əlavə vəsiyyətnamə yazmaq və uşaqlarına aid bütün sənədləri götürmək üçün gəlib.
Məlumdur ki, A.Puqaçova bütün əmlakını kiçik övladları Liza və Harriyə vəsiyyət edib, lakin Moskva vilayətinin Qryaz kəndindəki malikanənin sahibi əvvəlki kimi onun şoumen həyat yoldaşı Maksim Qalkindir. Qeyd olunur ki, müğənni malikanənin övladlarına miras qalması ilə bağlı bəzi məsələləri notariusda həll etməlidir.
Həmçinin onun məqsədi Limassoldakı (Kipr) evlərinə köçmələri üçün uşaqlarına aid bəzi zəruri sənədlərin əldə edilməsi idi.
Xatırladaq ki, Puqaçova həyat yoldaşı M.Qalkinlə Rusiya-Ukrayna müharibəsinin başladığı vaxt İsrailə köçüb. İsrail-HƏMAS müharibəsi başlayandan sonra isə müğənninin övladları ilə birlikdə Kiprə köçdüyü haqda məlumatlar yayılıb.
