Nadirdən televiziyaları tənqid edənlərə cavab

"Bu gün tamaşaçılar televiziyaları tənqid edirlər ki, niyə ucuz, yüngül xarakterli verilişlərə qaçırsınız. Əvvəl mən də aparıcıları, televiziyaçıları qınayırdım. Dedilər ki, Nadir müəllim, tamaşaçı buna baxır, reytinqi bu verir. O həm baxır, həm də qınayır".

Sfera.az xəbər verir ki, bu sözləri "Xəbərin var" proqramında müğənni Nadir Qafarzadə deyib. O, kanalların tamaşaçı zövqünə görə formalaşdığını bildirib:

"Bu səbəbdən oxucu, tamaşaçı nəyi istəyirsə, kanallar onu təqdim edirlər. Baxmaq istəmirsənsə, əlinin altında pult var. Tək Azərbaycan yox, rus və türk kanalları da mövcuddur. Xoşuna gəlmirsə, çevir".