İspaniyalı futbolçu Pike iki metrlik çuxura düşüb. Video internetdə sürətlə yayılaraq, viral olub.

Sfera.az bildirir ki, müğənni Şakiranın keçmiş sevgilisi Meksikanın paytaxtı Mexikoda keçirilən “Kings League Americas” (“Krallar Liqası”) turnirinin açılışında iştirak edib. Bu zaman o, səhnənin yaxınlığındakı çuxura düşüb. Futbolçu tədbirin rəsmi hissəsi bitdikdən sonra avtoqraf istəyən pərəstişkarına tərəf gedib.
 

Yolda telefondakı səsli mesajı diqqətlə dinləyən futbolçu təhlükəni hiss etməyib və iki metrlik çuxura düşüb.
 

Qeyd edək ki, “Krallar Liqası” idmançının 2022-ci ildə Barselonada əsasını qoyduğu, lakin hazırda Şimali Amerikaya köçürməyə çalışdığı turnirdir.


Sosial media istifadəçiləri Pikenin keçmiş sevgilisi Şakiranı gördüyü üçün yıxıldığına dair zarafatlar edib. Qeyd edək ki, Şakira və Pike cütlüyü 2022-ci ildə futbolçunun müğənniyə Klara Çia Marti ilə xəyanət etməsi səbəbindən ayrılıb.
 

İctimaiyyət qarşısında yıxıldıqdan bir müddət sonra futbolçu bunu “sehrli hiylə” adlandırıb.

Aynil

Sfera.az