Britni Spirs Sem Əsgəridən ayrıldıqdan sonra Mercedes-Benz-avtomobilini naməlum bir adamla sürdüyü görülüb.

Sfera.az bildirir ki, Spirs naməlum yoldaşının müşayiəti ilə lüks avtomobili ilə gəzintiyə çıxıb.Spirs Calabasasdakı Starbucks qəhvəxanasına lüks avtomobili ilə gələrkən görüntülənib.

Jurnalistlər onun kim olduğunu öyrənə bilməyiblər. Adamın yeni sevgili, yoxsa mühafizəçi olduğu hələlik naməlumdur.
Keçmiş həyat yoldaşı Sem Asgharidən 14 aylıq evlilikdən sonra yenicə ayrılan müğənni lüks avtomobili ilə diqqət çəkib.

Daha əvvəl bildirilmişdi ki, Sem Asghari kitab sövdələşməsindən qazandığı 15 milyon dollardan heç birini almayacaq.

Müğənni xatirələrində münasibətlərindən ətraflı danışsa belə, nikah müqaviləsinə görə, keçmiş əri bundan bir qəpik də almayacaq.

"Britni və Semin nikahdan əvvəl müqaviləsi var. Sem, demək olar ki, heç nə almayacaq və o, Britninin kitabından heç bir qazanc əldə etməyəcək. Bu Britninin kitabıdır" - deyə adı açıqlanmayan mənbə bildirib.

Keçən il sərvəti təxminən 60 milyon dollar olan Britninin “Simon & Schuster” ilə gəlirli kitab müqaviləsi imzaladığı bildirilib.

Burada Britni 13 il susdurulduqdan sonra öz hekayəsini öz şərtləri ilə danışacaq.

“Məndəki qadın” adlı xatirə kitabı artıq Amazon kitab cədvəllərinin başındadır. Əvvəlcədən verilən sifarişlər kitabı yeni bir nömrəli bestseller edib.

İyul ayında Britni kitabını necə yazdığı və kitabda nə qədər iş gördüyü barədə məlumat paylaşmışdı.

"Mən bu kitabı bəyənəcəyinizə əmin olmaq üçün çox çalışdım və bəyənməsəniz, yenə də hər şey yaxşıdır"- deyə ulduz yazıb.

Xatırladaq ki, Britni Spirs və Sem Asgharinin boşanması ötən həftə məlum olub. Şayiələrə görə, Sem 2022-ci ilin iyununda toylarından əvvəl imzaladıqları nikahdan əvvəlki müqaviləyə etiraz etməyi planlaşdırır.

Lakin onun ehtimal edilən səyləri boşa çıxa bilər, çünki nikahdan əvvəlki müqavilədə o, evli olduqları hər iki ildən bir milyon dollar alacaq. Cütlük isə cəmi 14 ay evli qalıb.

Lakin jurnalistlər hesab edir ki, Sem, tok-şoularda münasibətlərinin hekayəsini danışmamaq üçün Britnidən birdəfəlik çek ala bilər.

Sem Asghari isə İnstaqram səhifəsində emosional açıqlama paylaşaraq Britni ilə boşanmasını şərh edib.

"Altı illik bir-birimizə olan sevgi və sədaqətdən sonra həyat yoldaşımla birlikdə səyahətimizi bitirmək qərarına gəldik. Bir-birimizə olan sevgi və hörmətimizi qoruyub saxlayacağıq və ona hər zaman ən yaxşısını arzulayıram"- deyə Sem yazıb.

Bu arada Britni Spirsin Sem Asghari üçün ayda 10 min dollara ev kirayələdiyi deyilir.

Sem Los-Ancelesin ən prestijli ərazilərindən birinə köçüb

Bunun üçün müğənniyə vəkilləri tərəfindən tövsiyə edilib.

14 aylıq evlilik və 6 il birlikdə yaşadıqdan sonra Britni Spirsdən boşanmaq üçün məhkəməyə müraciət edən Semin həyat yoldaşının pulundan tam şəkildə yararlanmağa qərar verdiyi bildirilir. Sənətçi Semin Los-Ancelesdəki ən eksklüziv yaşayış binalarından birində yeni mənzili üçün 10 min dollar ödəyir.

Əri əşyalarını yığıb getdikdən sonra Spirsin bu cür xeyirxahlıq göstərməsi çoxlarını təəccübləndirib. Lakin jurnalistlər öz mənbələrinə istinadən yazır ki, Asgharini sakitləşdirmək və birgə həyatlarının məxfi təfərrüatlarını açıqlamaq fikrindən daşındırmaq üçün vəkilləri ona bunu tövsiyə edib. Nikahdan əvvəl müqavilədəki bu bəndin etiraz edilə biləcəyinə artıq Semin vəkili Neil Hersh eyham vurub.

Hal-hazırda cütlüyün praktiki olaraq ünsiyyət qurmadığı və Spirsin boşanma fonunda tamamilə ciddi problemlərlə üzləşdiyi məlumdur. Lakin bu, onların itləri də paylaşmasına mane olmayıb. Əldə edilən razılaşmalara əsasən, Sem Doberman Porsche, Britni isə Avstraliyalı Çoban Soyer və yeni bala Snou da daxil olmaqla digər dörd heyvanı götürüb.

Müğənni bu yaxınlarda 13 il himayədarı olan və həyatının bütün bədbəxtliklərində günahlandırdığı atası Ceymi Spirslə də münasibətlərini düzəltmək arzusunda olduğunu bildirib. Ata Spirsin səhhətində ciddi problemlər var, ona görə də Britni çox gec olmadan hər şeyi düzəltmək istəyir.

Aynil
Sfera.az

Britni Spirs boşandıqdan sonra həyat yoldaşına milyonluq ev kirayələdi - Yeni adamla da görüşür