İnternet istifadəçiləri daha çox A$AP Rocky kimi tanınan amerikalı rep ifaçısı Rakim Myersi Rusiya Federasiyası Silahlı Qüvvələrinin istifadə etdiyi simvolu olan kulon şəklinə görə tənqid ediblər. Reper zinət əşyasının şəklini iyulun 20-də İnstaqramda yerləşdirib.

Sfera.az bildirir ki, A$AP Rokki Rusiyanın Ukraynaya təcavüzünü dəstəkləməkdə ittiham edilib.

Reper öz səhifəsində bir sıra fotolar yerləşdirib ki, onlardan biri də “Z” hərfi şəklində kulonlu boyunbağı olub. Bundan əlavə, kulon rus işğalçılarının simvolu üç tankdan ibarət olub.

Bir saat sonra ifaçı kulonunun şəklini silib. Buna baxmayaraq, istifadəçilər son paylaşımın altında qınaq şərhləri yazmağa davam ediblər.

Bir çox şərhçilər amerikalı musiqiçiyə Rusiyanın Ukraynaya qarşı təcavüzkar müharibəyə başladığını və hər gün insanları öldürdüyünü xatırladıblar.

"Ağır və iyrəncdir. Ayıb olsun sənə və ölkəmin keçdiyi yolda manipulyasiya etməyi gözəl hesab edən PR adamına"- istifadəçilərdən biri şərhlərdə yazıb.

"Vay, uşaqlar, ukraynalıların soyqırımını dəstəkləyirsiniz? Hər gün ukraynalı uşaqları öldürən, qadınları zorlayan və dinc insanlara işgəncə verən rusları dəstəkləməyi sevirsiniz? Ayıb olsun!"- digər bir istifadəçi yazıb.

Sosial şəbəkənin bəzi istifadəçiləri də reperi Ukraynadan üzr istəməyə çağırıblar.

Aysel

Sfera.az

\"Z\" hərfli kulon - Rihannanın sevgilisi Rusiyaya dəstək verdiyi üçün biabır edildi - FOTOLAR